DILI (Timor Post.com)—Sekretáriu Estadu Floresta (SEF), Fernandino Vieira da Costa, dehan ita presiza servisu ho dignu ba area floresta nian, nune’e setór floresta sira bele sai dezenvolvidu iha Timor-Leste.
Floresta ne’ebé buras responsabilidade ema hotu nian hodi salva setór floresta iha rai laran.
“Area floresta liuliu parke nasionál sira, tenke próteze duni, hodi fó mahon no fértil nafatin ba ita nia raí atu sai buras liután ho efetiva”. Dehan Sekretáriu Estadu Floresta (SEF), Fernandino Vieira da Costa, iha Pusat Budaya Indonesia, Sesta-feira (01/09/2023).
Tu’ir Sekretáriu Estadu, oportunidade ne’ebé hetan husi governu, atu funsiona servisu ba floresta, ne’e kompeténsia ita nian, oinsá bele iha koinsidénsia másimu, hodi kuidadu ita nia meiu ambiente sira, atu labele hetan estragu.
Tanba objetivu kuidadu floresta bele hametin ita nia rai, no foho lolon sira, atu ita bele halo sai zona turístiku ba dezenvolvimentu nasionál nian.
“Ita presiza servisu másimu ba area floresta, hodi promove nafatin ita nia raí ne’ebé bokur, no buras, tanba ne’e ita produs nafatin ai-oan sira, hodi ba kuda nafatin iha area ambitious sira, atu fatin sira bele hetan protejidu.” Nia dehan.
Sekretáriu Estadu afirma, komunidade hothotu, tenke hadomi nia meiu ambiente, floresta sira, atu bele haburas liután ita nia zona protejida sira, no foho lolon sira, atu labele fó impaktu negativa ba ita nia setór importante sira.
“Ita tenke servisu ho responsabilidade hodi proteje area floresta nian, hodi kontinua nafatin promove ita nia meiu ambientál sira, atu labele estraga ita nia fatin potensiál sira iha Timor Leste.” Sekretáriu Estadu Floresta hateten.
932 total views, 6 views today
Bele hare Video Seluk :
Subscribe to Timorpost
