ADVERTISEMENT

Atensaun Governu ba Ameasa Hamlaha iha Timor Leste Tama iha Prioridade Daruak

Timor Post - Jeral
  • Share

DILI—Primeiru Ministru Taur Matan Ruak subliña, prioridade dahuluk iha luta hasoru atake pesti corona (COVID-19) maka salva ema nia moris no tuir mai maka fó atensaun ba ema nia kabun.

“Ita haree buat rua dala ida, ida moras ne’e ataka ema mate iha mundu, ita seidauk mate maibé númeru hahú sa’e, entaun atensaun ita nian ne’e fó prioridade ba ita nia moris no tuir mai ita fó atensaun ba ita nia kabun,” Xefe Governu subliña ba Jornalista sira hafoin reuniaun semanal ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairro-pité, Dili, Kinta (23/04/2020).

ADVERTISEMENT
SCROLL FILA BA NOTISIA


Lee Mós :
Timor Leste Seidauk iha Lei Reforma, Funsionáriu Públiku Liu Rihun Rua Hatama ona Rekerimentu

Ko’alia kona-ba impaktu sosial no ekonomia husi aplikasaun estadu emerjénsia, Taur dehan, dadaun ne’e apezar de estadu emerjénsia iha, governu sei iha fleksibilidade. Tanba nia hatutan, governu uza medida proporsional ho progresivu.

“Ema sei la’o ba mai, ba loja sira. Ita boot sira haree iha fatin seluk lockdown ne’e lockdown duni, estrada ne’e mamuk. Iha Austrália ne’e ema iha dalan laiha, Kánguru mak iha fali,” Taur hatete.

Tanba ne’e, Taur husu ba populasaun sira atu tuir nafatin instrusoens sira husi ministériu saúde nian, kona-ba ijiene, distansiamentu sosial.

Lee Mós :
UNDIL realiza seminário sobre prevenção de covid-19 junto de universitários

“Moras ida ne’e la’ós moras baibain, moras ida ke ita preokupa. Ne’e esperiénsia iha mundu seluk, ha’u espera ke labele mai ita nia rain,” Taur dehan.

Nia hatutan, prátikamente ekonomia iha mundu tomak paradu, dezempregu aumenta, kresimentu laiha, família sira terus. Tanba ne’e, nia dehan, timor sei la sees husi dezastre ida e’e.

“Agora oinsá mak ita rekopera, iha faze tuir mai ita sei hanoin ida ne’e. Agora dadauk ita haree liu ba iha impaktu imediatu. Pois ba tinan ida tinan rua ita tenke haree (dezenvolvimentu) hanesan mós nasaun sira seluk,” Taur salienta.

Lee Mós :
PNTL regista 12 acidentes rodoviários em menos de uma semana

Surumutu ho Lú Olo, Taur haktuir, ko’alia mós kona-ba situasaun seguransa iha rai laran, preparasaun sira governu halo hodi responde ba difikuldade sira iha parte saúde nian no resposta imidiata sira husi governu ba situasaun ekonomia iha rai laran. (yto/cao)

 791 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Atensaun Governu ba Ameasa Hamlaha iha Timor Le…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No