ADVERTISEMENT

Povu Espresa Sentimentu, Bandeira Parpol Hafutar Kapitál Nasaun

Augusto Sarmento - #ElPar2023 · Dili · Polítika
Jornalista : Cherly de Araujo (jornalista Estajiada)
Editor : Augusto Sarmento
  • Share

DILI–Tama iha festa demokrasia, eleisaun parlamentár ne’ebé monu iha 21 Maiu, situasaun ne’e lori ambiente diferente iha Dili hanesan hatudu ho prezensa bandeira hosi partidu sira okupa fatin públiku.

Tuir José da Silva, husi Aldeia Nain Feto, Suku Kintal Boot-Dili, faktu ida ne’e hatudu katak sidadaun sira sente kontente hodi espresa sira ninia direitu polítiku livremente iha eleisaun parlamentár períodu ida ne’e.

ADVERTISEMENT
SCROLL FILA BA NOTISIA


 “Ita la bele bandu tanba direitu ema nian atu espresa ho maneira saida deit, inklui hasa’e Bandeira iha sira-nia uma oin, ka tara bandeira iha estrada ninin. Eleisaun loloos mak iha 21 Maiu. Hafoin ida ne’e mak ita foin hatene loloos partidu ida ne’ebé mak atu hetan konfiansa maioria husi povu hodi forma Governu,” dehan Jose iha Kintál Boot, Sesta (05/05).

Lee Mós :
KM Autoriza Rui Gomes 'Deve' Banku Mundiál Hodi Finansia Projetu Bee Moos

Nia espera katak, Governu foun ne’ebé atu mai, bele rezolve povu nia terus tanba hasoru situasaun oi-oin. Governu foun ne’ebé mai husi rezultadu ELPAR period ida ne’e, presiza servisu maka’as hodi hasai povu husi kiak no mukit.

Jose rasik la fanátiku ba partidu ida, tanba nia haree partidu hotu di’ak. Agora fila fali ba oinsá lider partidu polítiku sira servisu hamutuk hafoin rezultadu eleisaun. So lider partidu polítiku sira servisu hamutuk mak bele rezolve povu ninia problema, no lori progresu ba dezenvolvimentu pais ida ne’e.

Diferente husi hanoin ida ne’e, Silveiro de Jesus, nu’udar membru husi komunidade Aldeia Kristu Rei, Suku Audian-Dili, hanoin katak, figura di’ak liu atu lidera Governu ba tinan lima mai mak Kay Rala Xanana Gusmão.

Lee Mós :
PM Xanana Hahu Partisipa Debate Programa iha PN

“Ha’u hanoin, Governu foun ne’e Avo Xanana Gusmão mak tenke ba oin, hodi haree nia povu sira nia moris,” Silveiro ko’alia ho fiar metin.

Entretantu fila hikas ba bandeira, Antonio Gusmão Soares husi Suku Vilaverde haree katak, dada Bandeira ne’e la’os buat foun.

Hahalok hanesan ne’e povu hatudu bebeik ona iha loron boot sira nasaun nian. Tinan ida ne’e, mosu bandeira koor oi-oin tanba partidu hamutuk sanulu resin hitu ho ninia militante no simpatizante ida-idak.

“Ba ha’u, tau bandeira nee tenke iha prinsípiu. Ami dada Bandeira ne’e la’ós buat foun. Durante ita ukun-an, haree katak Governu sira troka hela deit mos povu nafatin hakneak. Tanba ne’e, ami nafatin dada duni ami aia bandeira FRETILIN. Ami orgullu ba partidu FRETILIN, ne’e ami nia prinsípiu,” nia afirma.

Lee Mós :
Governu Lansa Medida Apoia Operadór Transporte Públiku

Maski deklara nia an nu’udar simpatizante FRETILIN, Gusmão husu ba foin sa’e sira atu vota tuir konxiénsia no liu-liu haree ba programa partidu nian.

“Loron 21 maiu nee hakrarak vota ne’e, tenke haree partidu politiku nia programa sira ne’e. Ita tenke iha prinsipiu, la bele naran vota. Lae, ikus mai ita povu mak hakneak nafatin,” nia fó hanoin.

 3,567 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Povu Espresa Sentimentu, Bandeira Parpol Hafuta…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No