ADVERTISEMENT

Total Suspeitu ba Pesti Corona Sae ba 236, Pasiente Na’in 21 tama iha Izolamentu Vera Kruz

Timor Post - Jeral
  • Share

DILI—Total suspeitu ba pasti corona (COVID-19) sa’e husi 229 ba 236. Husi númeru ne’e total kazu pozetivu nafatin na’in-18 (na’in ida rekopera),  negativu hamutuk 195, provavel nafatin na’in-haat, hein rejultadu husi laboratórium na’in-19.

Porta –Vóz Sentru Integradu Jestaun Krize (SIJK) Doutór Rui Maria de Araújo, liuhusi konferénsia ba imprensa, Sexta (17/04/2020) iha Sala de Situasaun haktuir, kazu pozetivu  17 ne’ebé atualmente iha sala izolamentu Sentru Saúde Vera Kruz identifika iha kuarentena Hotel Katuas na’in-16 no iha Hotel Fortuna na’in-ida.

ADVERTISEMENT
SCROLL FILA BA NOTISIA


NIa hatutan, kazu konfirmadu no kazu provavel ne’ebé agora Timor Leste iha, restritu ka fahe ba grupu haat. Grupu dahuluk mak Hotel Katuas hamutuk konfirmadu na’in 16, provavel na’in-rua, grupu ida ne’e maioria halo viajen iha bis ida de’it iha loron 1/04/2020 no sira hotu hela hamutuk iha Hotel Katuas.

Lee Mós :
Ita Konsege Hakat Liu Dezafiu Barak

Grupu daruak husi Hotel Fortuna, iha provavel ida. Kazu ida ne’e tanba ho nia kolega sira iha Hotel Fortuna hala’o viajen ne’ebé hanesan ho bis ida grupu dahuluk nian maibé iha loron 29/04/2020.

Grupu datoluk maka iha Hotel Timyng, ne’e iha konfirmadu ida. Kazu ida ne’e nia halo viajen iha bis MTCI nian husi Fronteira ba Dili iha loron 2/04/2020.

Lee Mós :
Governo pondera abate de árvores velhas na capital

Grupu dahaat iha Hotel Novo Horizonte iha provavel ida, kazu ida ne’e mós halo viajen ho karreta ne’ebé governu prepara, halo viajen iha loron 08/04/2020. Kazu ne’e iha momentu ne’eba nia hetan kedas sintomas i halo análiza nia hetan provavel.

Husi kazu sira ne’e hamutuk ema na’in 21, fahe ba kazu konfirmadu na’in-17, provavel na’in-haat, sira hamutuk hotu iha sala izolamentu iha Vera Kruz.

“Sira konfirmadu ne’e hela ketak, sira ne’ebé provavel ne’e ketak iha fatin seluk,” Doutór Rui klarifika.

Lee Mós :
Jerasaun Foun Presiza Hatene Istória Pasadu

Kona-ba kazu provavel, Doutór Rui esplika, kazu ne’ebé rejultadu laboratórium seidauk konfirma. Ou tuir Organizasaun Saúde Mundiál (OMS) konsidera kazu provavel ne’e interminadu. Ka seidauk bele determina konfirmadu ka la’e, ou ema ne’ebé tanba situasaun la permite seidauk bele halo ezame laboratórium ho PCR. (cao)

 996 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Total Suspeitu ba Pesti Corona Sae ba 236, Pasi…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No