DILI—Ministru Asuntu Parlamentares no Komunikasaun Sosiál, Francisco Martins da Costa Pereira Jerónimo, dehan atu estensaun pasaporte ba tinan ida tan tenke liuhosi notariadu.
Nia dehan, dekretu lei ne’ebé halo atu rezolve problema ne’e, tanba kaderneta mak la iha, entaun ita agora hein hela kaderneta to’o mai, maibé iha tempu agora ne’e atu halo dezlokasaun lalais, tenke halo estensaun ba pasaporte ne’ebé mak mate.
“Liuhosi dekretu lei ne’e fó knaar ba Ministériu Negósiu Estranjeiru no Kooperasaun (MNEK) atu halo ninia servisu hodi esplika no fó sai ba iha nasaun sira seluk iha mundu atu hatene, katak Timor nia pasaporte ne’e iha estensaun”, Francisco Martins da Costa Pereira Jerónimo, hatán ba reprezentante povu iha uma fukun Parlamentu Nasionál nia preokupasaun iha plenária, Tersa (11/04).
Nia hateten, atu halo estensaun ba pasaporte ne’e tenke ba notariadu hodi halo estensaun ba tinan ida tan, la’ós nonook ba de’it, atu nune’e eletrónika bele fó estensaun no hatene katak pasaporte ne’e iha estensaun.
Nia informa, la iha ida mak lori de’it pasaporte mate ne’e ba estranjeiru, nia husu atu la bele interpreta sala, halo estensaun ne’e tenke liuhusi notariadu.
943 total views, 3 views today
