ADVERTISEMENT

UNIJMA Husu Governu Revoga Akordu SOFA

Augusto Sarmento - Jeral
Jornalista : Cardenio Alves
Editor : Jeremias Soares
  • Share

DILI—Uniaun Nasionál Juventude Maubere (UNIJMA) Ativista Pro-RDTL, husu governu tenke revoga akordu Sofa, tanba akordu refere bele fó situasaun ameasadu ba Povu Timor-Leste. 

Portavós UNIJMA Ativista Pro-RDTL, José Belo “Mauberani” deklara governu hamosu akordu ida ho naran Status of Forces Agreement (SOFA) iha Washington, iha loron 01 fulan Outubru 2002, entre governu EUA ho governu RDTL.

ADVERTISEMENT
SCROLL FILA BA NOTISIA


Akordu ida nee laiha favoresimentu no hamosu prejuizu ba estadu RDTL nia direitu internasionál no independénsia total ba soberania nasionál, durante iha tinan 2002 too 2023.

Akordu SOFA nee nia preámbulu hakerek ho liafuan midar, maibé artigu lubun balun hamosu liafuan moruk, tanba la respeita konstituisaun ka lei RDTL nian.

Lee Mós :
Estão em quarentena os 11 vietnamitas e dois indonésios detidos em Jaco

Bainhira forsa EUA tama mai RDTL laiha taxa estadu, entaun faktu sira nee hatudu katak akordu ida nee laiha respeitu ba konstituisaun RDTL artigu-1 too 8, kona-ba independénsia no soberania nasionál, mo mós relasaun internasionál.

“Tanba nee mak Ativista Pro-RDTL no kombatente veteranu no povu maubere sobre vivente husi funu naruk iha frente boot, sempre rejeita akordu SOFA husi governu Timor-Leste ho Estadu Unidus Amérika”, nia deklara ba jornalista sira, liuhusi konferénsia imprensa, iha sede UNIJMA Manleuna, Sesta (24/03).

Nia dehan, prezensa militár dezrespeitu ba lei konstituisaun RDTL artigu 146 kona-ba forsa armada sira, tanba funu okupasaun iha Timor-Leste, governu EUA suporta ho material funu nian, kilat AR-15, M16, Avioes, bombardeiru, navios ka barcos no tanke da Guerra, hodi hasai invazaun durante tinan 24.

Lee Mós :
ANP Halo Inspesaun Sita Óleu Lubrikante Falsu

Uza fali RDTL ba sira-nia kampu ezersisiu militár, sura ho sira-nia movimentu iha povu nia leet, ho liafuan dezenvolvimentu neebé hamosu preokupasaun no traumas ba povu husi funu naruk.

Tanba nee Ativista Pro-RDTL, veteranu ho masa popular, protejidu husi RDTL nia konstituisaun artigu-1 too 8, foti protestu beibeik no halo demonstrasaun pasifika hasoru akordu SOFA ida nee, katak governu Timor-Leste tenke revoga.

Lee Mós :
SETP Sei Tau Prioridade Direitu Na’in ba Rai

Alende nee, husu ba governu, forsa Amérika nia atividade militár iha Aeroportu sivíl Baukau tenke hapara, tanba aeroportu nee funsaun ba aviaun sivíl, no enjeñeira sivíl sira mak tenke halo reabilitasaun.

“Ami husu ba governu revogasaun akordu SOFA nee laós atu Estadu RDTL ho EUA sai inimigu, maibé objetivu atu loke pájina foun seluk, atu labele hamosu restrisaun iha dominasaun foun, no akordu nee tenke halo tuir lei haruka”. Nia hakotu.

 1,793 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UNIJMA Husu Governu Revoga Akordu SOFA” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No