ADVERTISEMENT

Pasiente Pozetivu COVID-19 iha Hotel Katuas Deskonfia Da’et Tan ba Ema Na’in Rua

Timor Post - Jeral
  • Share

DILI—Posibilidade Timor Leste rejista pasiente pozetivu ba virus corona (COVID-19) hamutuk na’in-haat tanba deskonfia da’et husi estudante timoroan feto ne’ebé tama ona iha izolamentu iha loron 9/04/2020.

Pasiente na’in rua ne’ebé nia rejultadu teste ba amosra ne’e sei fó sai osifialmente husi Sentru Integradu Jestaun Krize (SIJK).

ADVERTISEMENT
SCROLL FILA BA NOTISIA


Fonte kredivél Timor Post ne’ebé akompaña prosesu evakuasaun pasiente na’in rua sai husi Hotel Katuas iha Domingu (12/04/2020) kalan haktuir, médiku sira presiza asegura pasiente sira ne’e tanba movimentu ema sira ne’e iha hotel laran mak fó impaktu boot tebes.

“Labarik sira hela iha karantina hanesan pasiar, sira halai husi kuartu ida ba seluk, toka no la’o tun sae iha Hotel laran. Tanba ne’e, buat ne’e da’et husi id aba seluk,” fonte ne’e haktuir.

Pasiente pozetivu dahuluk sidadaun estranjeiru ne’ebé hahú tama iha izolamentu iha loron 21 Marsu rekopera ona. No Timoroan feto ida ne’ebé tama husi fronteira terrestre ofisialmente deklara ona husi SIJK no tama ona iha sala izolamentu iha Sentru Saúde Vera Kruz, no na’in rua ikus ne’e mós médiku sira asegura ona.

Lee Mós :
China oferece equipamentos de combate a covid-19 a MEJD

Entretantu dadus kumulativamente, hahú husi 6 Abril Timor Leste rejista suspeitu hamutuk 116.

Iha loron 11/04/2020 iha suspeitu hamutuk 64, no iha loron 12/04/2020 aumenta tan suspeitu 52.

Husi teste laboratórium ba suspeitu 116 ne’e, na’in rua mak pozetivu hanesan fó sai ona ida nu’udar sidadaun estranjeiru rekopera ona no timoroan feto ida mak hal’o hela tratamentu iha sala izolamentu iha Sentru Saúde Vera Kruz, Dili.

Menus na’in rua rejista hanesan kazu ne’e, sura ba total suspeitu 114. Husi númiru ne’e, rejultadu teste laboratóriu fó sai ema na’in 52 mak negativu, no na’in 62 mak sei hein rejultadu.

Entretantu iha semana daruak fulan Abril to’o Domingu (12/04/2020) ema hamutuk na’in neen maka tama klandestinamente husi fronteira terrestre.

Lee Mós :
Bancada do CNRT condena fortemente “discriminação e racismo” de Olinda Guterres

Husi ema na’in hirak ne’e, na’in rua tama to’o tiha Dili maka autoridade sira foin hetan informasaun no foti medida hodi ba lori husi sira nia uma ba hatama iha kuarentena.

Fonte kredivél Timor Post ne’ebé akompaña prosesu ne’e haktuir, ema na’in rua ne’e tama husi fronteira to’o iha Dili ba tiha ona ho sira nia família maka polísia foin rona hodi ba toma medidas.

“Ita preokupa tanba sira tama mai illegal. Maibé la ho moras di’ak, se ho moras ita bele mate hotu. Di’ak liu maka sira tenke ba para iha kuarentena atu nune’e parte saúde bele halo teste no kotrola sira nia saúde di’ak loos mak sira bele fila,” fonte ne’e haktuir.

Relasiona ho ema tama klandestinamente husi fronteira, Porta-Vóz Sentru Intergradu Jestaun Krize (SIJK) Doutór Sérgio Lobo liuhusi konferénsia ba imprensa, iha loron Domingu (12/04/2020) haktuir, ema hirak ne’ebé tama klandestinamente ne’e Forsa Tarrefa Intervensaun Rápida foti kedas medida adekuada hodi lori kedas sira ba iha fatin kuarentina.

Lee Mós :
PRADET alerta para investimento insuficiente em saúde mental

Doutór Sérgio dehan, preparasaun SIJK nian atu responde ba posibilidade sira ba entrada klandestina, husi fronteira terrestre di’ak no metin tebes.

“Polísia Unidade Fronteira halo patrullamentu ororas no autoridade komunitáriu sira hetan ona instrusaun klara atu apoia iha prosesu ne’e tomak,” Doutór Sérgio subliña.

Relasiona ho situasaun atuál númiru pasiente kontinua aumenta, maka iha loron Segunda (13/04/2020) iha 00:00 oras governu taka total ona fronteira aero no terrestre hodi la permite kualker sidadaun tama mai territóriu, eseptu kazu espesial sira. (tp)

 849 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pasiente Pozetivu COVID-19 iha Hotel Katuas Des…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No