DILI, (timor Post.com)—Ohin, sesta,24/03, loron ikus ba ofisiais no formador sira tuir formasaun, kona-ba atendimentu no metigasaun antesipa Tsunami iha Timor-Leste.
Tuir observasaun Timor Post iha Otel City 8 Manleuana, ofisial ka Komandante APC no formador hamutuk na’in 20 resin, sira husi munisipiu sia, kontinua sira prepara an iha sala formasaun City 8, hodi hein ofisial UNDP hodi fó formasaun kona-ba oinsá atu halo metigasaun no asaun banhira mosu dezastre Tsunami iha Timor-Leste.
Partisipante ofisial APC munisipiu sira antoziais ho materia sira ne’e, tanba ba futuru posibilidade Timor-Leste bele akontese Tsunami, rekursu APC tantu iha nasionál no munisipiu sira preparadu para atu salva povu nia vida.
Iha fatin hanesan bainhira Timor Post konfirma, formadór husi UNDP, Domingos Leiquisiga Maria, informa, dezsde loron primeiru no ohin sesta, 24/03, partisipa sira antoziais hodi tuir formasaun.
Ida ne’e hatudu katak, formasaun ne’e importante ba sira, tanba sira maka sei sai fali mestre hodi hanoin no haklaken ba voliuntariu sira iha munisipiu ida-idak ne’ebé sira destakadu.
“Dezde horiseihik ita halo abertura no ohin sesta, 24/03, tama loron ikus formasaun nian maibé ita observa partisipante sira vontade maka’as atu kontinua tuir materia ne’e, ha’u hanoin importante tebes ba sira tanba sira maka sei hatutan formasaun ida ne’e ba sira nia munisipiu ida-idak”, Formador UNDP ne’e informa.
Espera liuhusi formasaun ida ne’e, maluk sira ofisial APC no formador kontinua haklaken esperensia ne’e iha sira nia munisipiu ida-idak atu nune’e prepara rekusu hodi antesipa baihira mosu Tsunami rekusu sufisiente para atu fó atendimentu ba vitima Tsunami iha tempu oin mia. (*)
1,041 total views, 3 views today
Bele hare Video Seluk :