DILI—Prezidente Parlamentu Nasionál (PPN), Aniceto Guterres manda tiha ona karta lakon mandatu ba deputadu hamutuk na’in-16 husi bankada CNRT.
Konteúdu husi karta ne’e bazeia ba lei sira liga ba falta injustifikadu husi deputadu sira.
Karta husi Aniceto ne’ebé Timor Post asesu, Tersa (21/03) ne’e manda mós kopia ba Xefe Bankada CNRT, Duarte Nunes.
Iha karta ne’e haktuir, meja parlamentu nasionál reune iha loron 21 fulan Marsu tinan 2023 hodi hasai prosedimentu inísiu ba lakon mandatu iha parlamentu nasionál, tanba falta laiha justifikasaun liu tempu ne’ebé mak lei permite.
Iha karta ne’e mós haktuir lei n.5 husi artigu 8 lei n.5/2004 loron 5 Maiu kona-ba estatutu deputadu sira nian ne’ebé altera ba lei n.7/2017 26 Abril, lei n.4/2023 25 Janeiru, n.2 husi artigu 16 lei númeru 6/2006 28 Dezembru, no lei eleitorál ba PN ne’ebé altera ba lei n.6/2007 31 Maiu, lei n.7/2011 22 Juñu, lei n.1/2012 13 Janeiru, lei n.9/2017 05 Maiu no lei n.3 husi artigu 7 rejimentu PN nian.
Maski nune’e, iha karta ne’e mós sita kona-ba deputadu sira ne’ebé simu karta lakon mandatu bele utiliza prerrogativa ne’ebé bele aprezenta por-eskrita, tenke entrega rajaun to’o oras 17 loron 23 fulan Marsu tinan 2023. (cao/gr
2,638 total views, 3 views today
Bele hare Video Seluk :