DILI—Partidu Republikanu (PR), Domingu (12/03), realiza konferénsia daruak atu hametin estrutura nasionál too baze, hodi hasoru eleisaun parlamentár tinan nee.
“Partidu Republikanu mai ho objetivu ida, oinsá bele hametin polítika militante no simpatizante sira nian, atu prepara votu konfiansa bainhira hasoru eleisaun Parlamentár,” Prezidente PR, João Mariano Saldanha, informa ba jornalista sira iha salaun Luz Clarita.
“Ita kontinua hametin ita nia estrutura, tanba ne’e mak ita hala’o ita nia programa, neebé mai ho espíritu no polítika foun, tuir polítika Partidu Republikanu nian rasik”, nia afirma.
Nia dehan, presiza hametin unidade nasionál, atu bele servisu makas nafatin, hodi dezenvolve rai nee, tanba PR mai ho vizaun ida, katak uma lisan ida ba timoroan hotu, uma mahon ida ba oportunidade hotu, hodi dezenvolve uma lisan ida naran Timor Leste.
“tanba nee, partidu nia planu sei estabiliza programa hothotu, tuir povu nia interese, liuliu ita lori polítika hodi hateke dook, lori povu ba dezenvolvimentu”. Nia tenik.
1,022 total views, 3 views today
