DILI—Hafoin lansa resensiamentu no atualizasaun baze de dadus iha dia 17 janeiru, servisu sei kontinua la’o hela, entaun númeru eleitór foun ladauk tama iha Sekretáriadu Tékniku Administrasaun Eleitoral.
Lia hirak ne’e Diretór Jerál STAE, Acelino Manuel Branco, hato’o ba Timor Post iha nia kna’ar fatin, Kaikoli, tersa, 21/02.
“Resensiamentu ita lansa iha dia 17 Janeiru dadus foun seidauk tama, tanba ita nia atendementu sen la’o hela iha postu administrativu hotu-hotu,” Acelino hatete.
Acelino dehan, prosesu resenseamentu eleitorál la’o hela iha postu adminitrativu hotu-hotu, no resensia iha rai laran sei remata iha dia 31 Marsu, hodi halo sigronizasaun iha nasionál.
“Nestemomentu atendimentu kontinua la’o hela, ita seidauk atualiza diariamente, tanba resensiamentu ne’e kontinua la’o to’o dia 31 Marsu”, Acelino hateten.
Tanba ne’e tuir kalendariu ne’ebé maka iha rezultadu resensia iha rai laran tantu no mós husi nasaun estranjeiru tama hotu iha baze de dadus STAE hodi singroniza ona maka STAE sei fó sai iha 21 Abril oin mai.
“Ita sei iha prazu ida sigronizasaun maka ita bele rekolla dadus hotu-hotu husi teritoriu laran tomak atu fó sai iha dia 21 Abril”, katak Acelino.
Acelino hatutan,husi anunsia dadus fiksu eleitór iha momentu ne’ebá ne’e maka sei hatene númeru ofisial eletór sira ne’ebé atu partisipante eleisaun parlamentar 2023 nian.
Dadus resensia anterior ne’ebé STAE anunsia ona maka total votantes 878.756, ne’e rejista votante foun hamutuk 18.000, mai husi estudante sira ne’ebé foin atinji tinan 17, balu durante la rejistu foin rejistu ne’e maka soma hamutuk. (f10)]
2,538 total views, 9 views today
Bele hare Video Seluk :
Subscribe to Timorpost
