ADVERTISEMENT

PR Horta Ho Membru Governu Balun Hala’o Enkontru Semanál

Mario da Costa - Nasionál
Reportajen : Mariano Abi
Editor : Mario da Costa
  • Share
Ministru Prezidénsia Konsellu Ministru (MPKM), Fidelis Magalhães, Ministru Finansas (MF), Rui Augusto Gomes, no Ministru Koordenadór Asuntu Ekonomia (MAKE) Joaquim Amaral, Imajen TP/Mariano Abi

DILI (Timor Post) – Prezidente Repúblika (PR), José Manuel Ramos Horta, Tersa (16/09), hala’o enkontru semanál ho Ministru Prezidénsia Konsellu Ministru (MPKM), Fidelis Magalhães, Ministru Finansas (MF), Rui Augusto Gomes, no Ministru Koordenadór Asuntu Ekonomia (MAKE) Joaquim Amaral

Ministru Fidelis Magalhães, hatete ohin mai atu rona vizaun sira Xefe Estadu nian, no atu oinsá bele operasionaliza parte ezekutivu nia vizaun boot kona-ba Timor nia futuru, dezenvolvimentu setór sira ne’ebé importante ba rai ida ne’e, ne’ebé Xefe Estadu liuhusi enkontru semanál hato’o ona ba Primeiru Ministru (PM), Taur Matan Ruak, atu reforsa liu tan parte implementasaun nian.

ADVERTISEMENT
SCROLL FILA BA NOTISIA

“Ohin ami atu haree liu parte legál, jurídiku Konstitusionál nian, parte ekonomia nian, no parte finansas nian, atu ita bele iha sinerjia di’ak liu entre Ezekutivu, liuhusi PM, Taur Matan Ruak nian, ho parte Xefe Estadu no nia ekipa tékniku sira,” nia hateten hafoin remata enkontru iha Palásiu Prezidensiál, Bairru-Pité Tersa (16/08).

Lee Mós:
Prezidente Horta: Droga iha Timor-Leste  Laiha Informasaun Loloos

Nia dehan, Timor-Leste halo partíkula ida ne’e, atu lori duni rezultadu, no sinál ida katak, iha relasaun institusionál ne’ebé metin liu, entre órgaun soberania nian, entaun husi Governu atu rona vizaun hirak ne’e, no lori hanesan bukae no parte téknika Governu nian mós sei anota hotu, iha tempu badak bele transforma sai realidade vizaun hirak ne’e hanesan estadu ida.

Lee Mós:
Funsionáriu Instituisaun Bambu Sente Orgullu ho Prezensa PR Horta

Kona-ba pontu importante husi enkontru semanál ne’e, nia hatete “Ohin iha area barak ne’ebé ami la presiza espesífiku ida pur ida, maibé area hirak ne’e relasiona ho Koordenasaun Polítika Jerál Governu nian, no polítika lejizlativa Governu nian, no parte Ekonomia nian mak MKAE, no relasaun ho parte finansas nian mak MF, ne’ebé la presiza detalla. Tanba iha idea barak ami anota no ami diskute ho kle’an tebes-tebes”.

Ministru Fidelis, afirma enkuantu iha enkontru ne’e, Prezidente Repúblika, José Ramos Horta, hakarak Timor tenke ba oin, agora iha vizaun sira ne’ebé Xefe Estadu bainhira ko’alia ho nasaun sira seluk, no mós vizaun rasik Xefe Estadu nian.

Lee Mós:
Responsavel EDTL.EP Laga Halerik RH

“Hanesan parte ezekutivu tenke formaliza vizaun hirak ne’e, no ba pontu-pontu hirak ne’e atu bele artilukasaun ho ezekusaun ne’ebé di’ak no efikás,” nia dehan.

Kona-ba dezenvolvimentu entermus fíziku, nia dehan Governu atinje iha area barak, hanesan ema hotu hatene lansamentu buat barak ona, iha fulan Novembru sei lansa tan Portu Tibar, Fiber Optika la’o ona, Uma Kbiit Laek la’o, apoiu sosiál sira la’o, investimentu estrada sira la’o hela, Bee moos la’o, no kooperasaun internasionál la’o.

 6,035 total views,  36 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Ho Membru Governu Balun Hala’o E…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: