ADVERTISEMENT

VMI Konsidera Desizaun TDD Motiva Ema Lori Droga Tama Timor-Leste

Mario da Costa - Nasionál
Reportajen : Jaime Pires
Editor : Mário da Costa
  • Share
Vise Ministru Interior, António Armindo, Imajen TP/Jaime Pires

DILI (Timor Post) – Vise Ministru Interiór (VMI), Antonio Armindo, konsidera rezultadu ikus hosi desizaun Tribunál Distritál Dili (TDD), nian ba ema sira ne’ebé lori droga hanesan motivasaun fali ba sidadaun sira atu kontinua lori tama mai Timor-Leste.

Nia hatene, nia parte lakohi komentáriu relasiona ho Tribunal nia desizaun ba ema ne’ebé hatama droga, maibé importante PNTL kontinua monta estratéjia no ekipa oioin hodi buka tuir ema ne’ebé konsumu droga no hatama mai Timor-Leste.

ADVERTISEMENT
SCROLL FILA BA NOTISIA
Lee Mós:
Rogerio Lobato Konsidera Desizaun TDD ba Kazu Droga La Justu

“Kuandu PNTL kaer halo investigasaun hotu entrega ba parte Ministériu Públiku no nia kompeténsia atu foti desizaun, maibé hanesan sidadaun ita hotu-hotu la kontente kuandu ema ida komete krime depois Tribunál fó de’it TIR (termo de identidade residênsia) no la fó sansaun todan, ema hanoin ita nia sistema judisiáriu laiha nehan atu tata sira,” dehan Vise Ministru Interiór, iha Faról Tersa (16/08).

Nia reforsa, entaun ida ne’e hanesan fó fali vantajen boot ida ba ema sira ne’ebé komete krime ne’e no ema seluk mós bele haree tuir hodi halo tan de’it krime sira ne’e.

Lee Mós:
Taur Retira Nia Pedidu Demisaun husi Lu Olo

“Tanba rezultadu sira hanesan ne’e sira hanoin aban nia kontinua halo bainrua nia mai aplika TIR, bain tolu nia ba halo tan depois mai aplika TIR nafatin,” lamenta António Armindo.

Nia subliña, maibé ida ne’e hanesan Tribunal nia desizaun, no nia parte mós labele ko’alia ka halo komentáriu tama liu ba iha área Tribunál ninia desizaun sira.

“Maibé tuir ha’u pesoál ninia haree ita-nia desizaun Tribunál presiza tenke rigor liután intermus husi aplika sansaun no kontrolu ba ema krime no droga sira ne’e,” nia deklara.

Lee Mós:
Eleitór Na’in-2 Hatán Tribunal ba Kazu Perturbasaun Aktu Eleitorál

Maibé iha instituisaun ida-idak foti desizaun tuir ninia kompeténsia, ne’ebé desizaun ida ne’e Tribunál nia kompeténsia, entaun nia parte lakohi komentáriu ba sira-nia kompeténsia ida ne’e.

 7,999 total views,  36 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “VMI Konsidera Desizaun TDD Motiva Ema Lori Drog…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: