ADVERTISEMENT

Parlamentu Nasionál Konsidera KAK-MP Servisu La Másimu iha Terrenu

Mario da Costa - Nasionál
Reportajen : Cardenio Alves
Editor : Mario da Costa
  • Share
Vise Prezidente Bankada CNRT, Patrocino Fernandes, Imajen TP/Cardenio Alves

DILI (Timor Post)- Parlamentu Nasionál (PN), preokupa ho servisu Komisaun Anti Korrupsaun (KAK), ho Ministériu Públiku (MP), nian iha terenu, tanba ladún la’o ho di’ak.

Vise Prezidente Bankada Partidu Kongresu Nasionál Rekonstrusaun Timorese (CNRT), Patrocino Fernandes, hatete servisu instituisaun rua ne’e nian durante ne’e hein de’it mak keixa, la’ós sira mak buka hodi rezolve.

ADVERTISEMENT
SCROLL FILA BA NOTISIA

“Ita haree sosiedade barak mak sai hanesan parseria Governu, atu harii instituisaun ida nu’udar fatin defensór ba Direitu Umanu (Human right), no mós defende ba Orsamentu Jerál Estadu nian, (sovereign wealth funds), ne’e ita apresia no louva”, nia hateten iha PN, Kuarta (04/08).

Lee Mós:
KAK Simu Relatóriu Implementasaun Sesta Bázika

Nia dehan, programa Governu nian ne’ebé falla, entaun instituisaun ba direitu umanu iha direitu atu buka tuir kazu nia kronolojia, ezemplu problema konstrusaun igreja iha area Ai-mutin durante ne’e seidauk, entaun instituisaun hanesan Ministériu Públiku ida tenke buka tuir, tanba ne’e programa Governu.

Instituisaun Estadu nian ne’ebé Governu harii fó kna’ar ba sira atu kontrola sidadaun sira-nia direitu, devér, no programa sira ne’ebé Governu tau osan, tuir loloos instituisaun rua ne’e tenke buka tuir hodi hatene kazu públiku ida ne’e.

Nia dehan, Programa ne’ebé Governu tau osan, sai hanesan kazu ida, ne’ebé sai preokupasaun ba públiku, entaun instituisaun hanesan Ministériu Públiku, KAK no selu tan, presiza buka kazu ne’e atu hatene nia progresu.

Lee Mós:
MP Alega Diretór Ajénsia New Generation Prizaun Preventiva

Tanba hanesan sosiedade sivíl la presiza hein kazu no hein sidadaun ida mai keixa mak foin buka hatene, nune’e bainhira ema barak preokupa ona buat ruma hosi programa Governu ka sidadaun ida, entaun hanesan sosiedade sivíl iha obrigasaun para buka hatene.

Tanba sosiedade sivíl nia servisu kuaze hanesan ho jornalista sira, investiga informasaun hasai ba públiku, tuir loloos Ministériu Públiku hop KAK tenke hanesan ne’e.

Kazu ida sai preokupasaun liuhosi lala’ok Estadu,  tenke buka tanba imi mak sai defensór ba patrimóniu Estadu no defende direitu sidadaun nian, tanba dala-ruma Governu husu kona-ba kazu ruma ne’ebé identifika, ho razaun seidauk simu keixa.

Lee Mós:
KM Aprova Aliterasaun Proposta Lei Ba Estatutu Foun Ministériu Públiku

Ikus nia dehan, Governu no Estadu harii instituisaun ida iha nasaun mak hein de’it keixa, la buka keixa atu rezolve no hatene nia kronolojia saida, entaun Governu la presiza harii instituisaun sira hanesan, tanba sira iha atu sai defensór ba patrimóniu Estradu no mós direitu sidadaun nian.

 1,600 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Parlamentu Nasionál Konsidera KAK-MP Servisu La…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: