Ministru Justisa Simu Human Rights Advisor Hosi United Nation

D𝐢𝐥𝐢 (Timor Post)- Ministru Justisa, Tiago Amaral Sarmento, Kinta (21/07), simu no reuniaun ho reprezentante husi 𝑼𝑵 𝑅𝑒𝑠𝑖𝑑𝑒𝑛𝑡 𝐶𝑜𝑜𝑟𝑑𝑖𝑛𝑎𝑡𝑜𝑟’𝑠 𝑂𝑓𝑓𝑖𝑐𝑒, Assesora Direitus Umanus, Sr. Claudia Soares Diaz, iha knar fatin Ministériu Justisa, Rua Colmera.

Tuir Komunikadu Imprensa ne’ebé Online Timor Post asesu, Ministru Justisa, Tiago Amaral Sarmento, reuniaun ho Reprezentante husi UN ne’ebé haree ba asuntu Direitus Humanus, Sr. Claudia Soares Diaz Rua Colmera, Kinta (21/07).

Iha reuniaun Ministru Justisa ho Assesora ba Direitus Humanus UN ne’e, deskuti kona-ba relatoriu direitus humanus ne’ebé atrazu, posibilidade ba estabelesimentu mekanizmu nasionál ba relatoriu no ninia akompañamentu, bazeia ba rekomendasoens resente ne’ebé hato’o ba Timor-Leste iha ita nia aprezentasaun iha 𝑼𝒏𝒊𝒗𝒆𝒓𝒔𝒂𝒍 𝑷𝒆𝒓𝒊𝒐𝒅𝒊𝒄 𝑹𝒆𝒗𝒊𝒆𝒘 ne’ebé hala’o ona iha loron 27 fulan-Janeiru 2022 liuba, iha Zenebra, Suiça.

No oinsa atu haforsa liu tan kooperasaun hodi kontinua promove direitus umanus iha nasaun sira.

Aleinde ne’e, Assesora Diretus Humanus UN ne’e, hato’o mós sira ninia apresiasaun ba governu Timor-Leste ne’ebé deskuti ona ninia kandidatur ba “membru konsellu direitus umanus iha nasoens unidas”.

Ministru Justisa Dr. Tiago Amaral Sarmento agradese ba reprezentante nasoen unidas nian ne’e, husu mós ba reprezentanta Nasoens Unidas nian ne’e atu bele fó apoiu no asistensia ba Ministériu Justisa, liga ba kriasaun lei liberdade Relijioza.

Ministru Justisa Dr. Tiago Amaral Sarmento, reuniaun ho reprezentante husi UN, ne’ebé hare ba asuntu Direitus Humanus, Sr. Claudia Soares Diaz e akompana mos husi Diretor Nasionál Diresaun Nasionál Direitus Humanus no Cidadania (DNDH), Ministériu Justisa, Rua Colmera, Dili, Kinta (21/07).

Reuniaun refere akompaña mós husi Diretor Nasionál ba Cidadania no Direiru Humanus (DNDHC), Flaviano Moniz no Assesor Administrasaun Ministru Justisa nian, Dr. Tomas M. Correia.

1,345 total views, 3 views today

Oinsa Ita nia Reaksaun iha Notisia Nee?