ADVERTISEMENT

Programa Sesta Bázika Konsideradu Habokur Grupu Partidária

Mario da Costa - Jeral
Jornalista : Jaime Pires
Editor : Mario da Costa
  • Share
Deputadu Patrocino Fernandes, Imajen Google

DILI (Timor Post)—Vise-Prezidente Bankada Kongresu Nasional Rekonstrusaun Timorense (CNRT), Patrocínio Fernandes, konsidera programa Governu nian kona-ba halo rekuperasaun ekonómiku ho Sesta Bázika ne’e habokur de’it grupu partidária sira.

“Programa sira hanesan rekuperasaun ekonómiku fó liu benefísiu ba importadór sira inklui habokur de’it grupu partidária ne’ebé implementa Programa Sesta Bázika no fundu Covid-19,” nia dehan iha plenária estraordináriu ba problema nasaun hamutuk ho Primeiru Ministru, Taur Matan Ruak, Kinta (14/07).

ADVERTISEMENT
SCROLL FILA BA NOTISIA


Lee Mós :
Programa SB Faze Da-ruak Porsentu 25 Produtu Importasaun

Deputadu ne’e hatete, Governu hatene de’it halo retórika kona-ba hasa’e kuantidade produsaun kafé no produtu agríkola sira seluk, maibé realidade to’o ohin loron laiha implementasaun.

“Pior liu Governu halo fali importasaun ba manu futu husi nasaun viziñu hanesan Indonézia, tanba resesaun ida ne’e kontribui ba empreza barak mak falla, tanba negósiu ki’ik sira médiu no bankarrota,” hateten nia.

Lee Mós :
Sesta Bázika Motiva Agrikultór Kuda Barak Liután

Ho buat sira ne’e hotu joven barak mak lakon servisu, no pior liután agora joven rihun ba rihun sai hotu ba rai li’ur hodi buka dalan hadi’a ekonomia família uma laran.

“Tanba imprudénsia husi polítiku ne’ebé lidera husi órgaun soberania Estadu nian iha implementasaun inkonstitusionál fó efeitu direita ba ekonomia iha rai laran, mezmu iha argumentu ba Covid-19 no relasaun ekonomia monu to’o porsentu ualu, afeta direita ba povu,” nia hakotu.

 2,707 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Programa Sesta Bázika Konsideradu Habokur Grupu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No