DILI (Timor Post)– Primeiru Ministru (PM), Taur Matan Ruak, fó parabéns ba Servisu Migrasaun ne’ebé esforsu an hodi servisu makas, liuhusi operasaun rotina konsege deteta no halo kapturasaun ba sidadaun estranjeiru na’in-2 ne’ebé halo falsifikasaun ba dokumentu estadu, iha area Hudi Laran, Bairru-Pité.
“Ha’u fó parabéns ba ha’u-nia Migrasaun, ba servisu ne’ebé di’ak tebes no kualidade dunik” nia dehan hafoin remata enkontru ho Prezidente Repúblika (PR), José Manuel Ramos Horta, iha Palásiu Prezidensiál, Bairru-Pité Kinta (07/07).
Nia esplika, ita boot sira hatene kail tuna ou ikan ka lae, ne’e imi kail oinsá, primeiru imi soe tiha kail ne’e imi husik de’it, nia han, han tama to’o tiha kabun laran, kuandu nia dada ne’e, nia tee oan sai hotu.
“Imi labele hanoin katak, tanba ami husik hela imi atu halai liu, depois imi dehan sorte loos, derrepente ne’e, hanesan ikan ne’e, atu mai li’ur ka iha bee laran sei iha bee laran entaun o nia tee oan sai, sei ibun de’it naklees fila fali, mais tolan liu tiha ona ne’e labele, entaun husi ne’e mak lori estratéjia ida ne’e,” nia hakotu.
Entretantu membru hosi servisu operasionál halo kapturasaun ba sidadaun estranjeiru na’in rua iha area Hudi Laran, Bairru-Pité, tanba halo falsifikasaun ba dokumentu. Enkuantu iha mane ida ho naran inisiál WX tinan 33, no feto ida naran HSJ tinan 33, no sira na’in-rua hosi Fujian-Xina
2,221 total views, 3 views today
