DILI (Timor Post)-East Timor Development Agency (ETDA) liuhusi Sekretáriu Estadu Juventude no Desportu (SEJD) sei fasilita no lori joven Timoroan atus-ida ruanulu (120), ba servisu iha Brunei.
Tuir Diretór ETDA Januário M. Neto Mok, hatete ida ne’e agora sei iha hela prosesu maibé nia ofisial sei públika liuhusi Governu, tanba durante ne’e sira halo ona programa ida ne’e durante fulan 6 bá ema hotu, tanba ne’e sira komesa haree ona bá iha situasaun hanesan dala-ruma labarik sira presiza dezenvolve sira-nia karreira iha area turizmu ospitalidade nian.
“Ami iha kooperasaun ida husi Brunei, oinsá mak ita bele fasilita ita-nia joven sira ne’ebé ita fasilita ona, formasaun hodi bá servisu iha ne’ebá hetan sertifikasaun esperiénsia internasionál,” nia hateten iha knar fatin, Kuarta (06/07).
Nia dehan, relasiona ho oportunidade ida ne’e, ETDA fó formasaun ho vizaun ida atu forma labarik sira hodi hasae mudansa iha sira-nia moris, atu nune’e sira labele lakon oportunidade ho joven sira seluk.
Tanba ne’e, ETDA fiar katak iha esperiénsia atu bá servisu iha rai li’ur liuhusi báziku joven sira bele muda sira nia an, maibé programa ida ne’e sira halo ne’e diferente ho programa sira seluk.
Nia hatutan, Programa ida ne’e sei implementa iha fulan Agostu, tanba agora daudaun ETDA ho indústria sira iha Brunei asina ona nota entendimentu, tanba ne’e sei fasilita joven sira hodi bá servisu.
Nia dehan, Joven 120 ne’ebé ETDA fasilita sira hodi bá servisu iha Brunei iha area hanesan Hotel, Restaurante inklui indústria sira ne’ebé fokus liubá iha ospitalidade, relasiona ho formasaun ne’ebé ETDA fó ona bá sira.
Iha fatin hanesan Benefisiáriu Bolseiru husi SEJD, Yohanes Bosco, afirma tan katak, sira iha ona desizaun oinsá atu liña koordenasaun ho ETDA, atu nune’e sira bele rona informasaun klaru hodi labele lakon sira-nia estudu.
“Ida ne’e ha’u sei hatete klaru tanba agora sei iha hela prosesu nia laran, maibé ha’u agradese tebes tanba ha’u bele foti ha’u-nia tópiku kona-bá kulinária iha ETDA”. Nia hakotu
3,135 total views, 6 views today
Bele hare Video Seluk :