DILI (Timor Post)-Diretór Prevensaun Komisaun Anti Korrupsaun (KAK), Rosario Araújo Salsinha, hatete daudauk ne’e ekipa konjunta deteta ona Funsionáriu Eletrisidade de Timor Leste, Empreza Públiku (EDTL.EP), balun utiliza karreta Estadu hodi hala’o servisu, maibé uza fali Xapa matríkula Privadu.
Nia hatete, karreta EDTL.EP sosa ho osan Estadu, maibé funsionáriu sira kontinua uza xapa matríkula privadu hodi hala’o servisu.
“Ami-nia ekipa deteta daudaun ona tanba karreta saida de’it mak uza osan Estadu hodi sosa ne’e, parte ba Patrimóniu Estadu, ami la haree ba fali asuntu ida, tanba uza fali xapa matríkula privadu hodi uza karreta ne’e, la’ós uza xapa matríkula Governu, maibé kuandu ema uza sala, hatudu katak indisiu irregularidade ita kondena duni, aktu ida ne’e la di’ak,” nia dehan ba Jornalista Sira iha CNA, Kuarta (07/06).
Tanba ne’e mak, Ekipa husi KAK nian husu ona dokumentu ba sira, atu hatudu loloos dehan dokumentu balun konfirma, no balun dehan los ka lae, no iha duni ka lae, tanba iha lei atu prevalese ba sira ka lae, tanba ne’e mak sei konfirma hela.
“Kona-ba lei ruma laiha prevalese ba sira ne’e, ita atu hatete de’it katak, sasán sira Estadu nian utiliza halo loloos, maibé kuandu utiliza sees husi ne’e krime,” nia hateten.
Iha fatin hanesan, Komisáriu Komisaun Funsaun Públiku (KFP), Antonio Soares, hatete administrasaun direita sira ne’e normalmente depois de enkontru ida, katak iha instituisaun ida karreta sira ne’e para hotu ona iha Patrimóniu Estadu no rekolla hotu ona.
“Ekipa konjunta parseira ba iha Patrimóniu Estadu, ha’u hanoin administrasaun parte balun mak seidauk, maibé ami ho KAK komunika malu iha tempu Badak karreta sira ne’ebé la uza xapa matríkula Estadu maibé uza fali Xapa pesoál hakarak ka la kohi tenke rekolla,” dehan nia.
“Tanba nee, iha tempu badak ita sei armoniza ami se tuur hamutuk para konvida DNTT hodi esplika razaun tanba sá mak instituisaun ida ne’e uza fali Xapa Matríkula la’ós Estadu,” nia promete.
Ikus nia dehan, Komisaun Funsaun Publika, hala’o nia knaar ne’e dezde tinan rua ka tolu ba kotuk, prosesu admnistrativu balun mak suspende.
3,239 total views, 3 views today
Bele hare Video Seluk :
Subscribe to Timorpost
