ADVERTISEMENT

Harii Média Presiza Hatene Lei KomSos

Mario da Costa - Nasionál
Reportajen : Mariano Abi
Editor : Mario da Costa
  • Share

DILI (Timor Post)–Atu kumpre regulamentu hosi Lei Komunikasaun Sosiál (KomSos), Konsellu Imprensa (KI) Timor-Leste, Loke rejistu ba média foun sira ne’ebé foin eziste liuliu ba média online.

Prezidente Konsellu Ministru (KI), Virgílio Guterres, hatete maluk sira foin harii média sira hatene lei Komunikasaun Sosiál (KomSos).

ADVERTISEMENT
SCROLL FILA BA NOTISIA

“Ba rejista ofisial, ami bele dehan agora rejistu la’o daudauk, ha’u hanoin ba maluk sira ne’ebé atu harii média, sira hatene lei komunikasaun, ne’ebé regula sidadaun see de’it mak iha hanoin atu harii média, ho objetivu ida atu serbí públiku, liuliu kona-ba konteúdu jornalistiku, tenke haree Lei ne’e, atu nune’e bele hakbesik ba KI hodi rejistu,” nia dehan hafoin remata enkontru ho Prezidente Repúblika, José Ramos Horta, iha Palásiu Prezidensiál, Bairru-Pité Sesta (01/07).

Lee Mós:
Meta Malik Redús Esforsu ba Buka Mate Ruin

Maibé, nia dehan ba KI portantu mais média mosu barak, ne’e fó opsaun barak liu iha sosiedade hodi bele hetan informasaun, liuliu iha era ne’ebé Online barak, nune’e husi média sira dala-ruma velosidade la konsege halo konfirmasaun, entaun husi média barak ne’e, ema leitór sira ou haree na’in sira ne’e bele halo Lei ida atu ba konfirma seluk, ida ne’e parte ida ne’ebé agora mosu iha mundu ne’e.

Lee Mós:
Virgílio Guterres “Lamukan”, o Quase Engenheiro Mecânico que se Apaixonou Pelo Jornalismo

“Mais importante maka, ami dehan ba see de’it ou sidadaun see de’it nia liberdade atu harii média ou atu estabelese média, maibé iha ona kuadrus legais husi Lei komunikasaun sosiál ne’ebé regula katak, tenke ba halo rejistu iha KI”, nia hateten.

Nia esplika, rejistu ne’e la’ós hanesan autorizasaun katak atu husu lisensa lae, ne’e mekanizmu administrativu ida, ne’ebé Lei hatete atu ema hatene katak, see maka responsavel, halo saida, no iha ne’ebé, atu nune’e leitór sira bele hatene katak, responsabilidade ba média no fatin ba média ne’e rasik.

Lee Mós:
KI Distribui Kartaun Profisionál Ba Jornalista Nain-8

“KI agora rejistu ne’e hamutuk média sia (9), mais ami halo update bei-beik, hodi dehan, husi média 9 ne’e sei moris permanente ka lae, dala-ruma iha rejistu ne’e 9, maibé ida ne’ebé efetivamente sei moris ne’e, dala-ruma haat (4) no lima (5) de’it”, nia hakotu.

 539 total views,  18 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Harii Média Presiza Hatene Lei KomSos” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: