KI Konvida PR Horta Partisipa Eventu Dili Diálogu Forum

Timor Post - Nasionál
Reportajen : Mariano Abi
Editor : Mario da Costa
  • Share
Prezidente Konsellu Imprensa (KI), Virgílio Guterres, Foto Media KI

DILI (Timor Post)–Prezidente Konsellu Imprensa (KI), Virgílio Guterres, sesta (01/07) konvida Prezidente Repúblika (PR), José Manuel Ramos Horta, atu partisipa iha eventu Dili Diálogu Forum.

Tuir Prezidente KI, hasoru PR Horta, ho objetivu prinsipál maka, atu konvida PR hodi partisipa iha eventu ne’ebé KI sei halo iha tinan ne’e, primeiru iha eventu Dili Diálogu Forum, ne’ebé sei akontese iha loron 25-26 Fulan Agostu.

ADVERTISEMENT
SCROLL FILA BA NOTISIA

“Hanesan ita boot sira hatene katak, dezde 2017 KI hamutuk ho parseiru sira iha Rejiaun ne’e no Asia Pasífiku, ne’ebé deklara no estabelese Forum ida, ne’ebé hanaran Dili Diálogu Forum, tanba tinan rua liu ba Timor-Leste labele halo, tanba pandemia Covid-19, agora tinan ne’e KI planu atu hahú fila fali iha fulan Agostu”, nia hateten hafoin remata enkontru iha Palásiu Prezidensiál Bairru-Pité.

Lee Mós:
PD Prefere Governu Grande Inkluzaun Maibé sei Tetu Proposta PLP ho CNRT

Nia dehan, primeiru mak konvida PR atu ba hato’o ninia diskursu ba iha abertura iha loron 25 fulan Agostu. No eventu segundu nian ba komemorasaun loron Liberdade Imprensa iha Balibo Five (5), loron 16 fulan Outubru.

“Ami hatete ba na’i Prezidente Repúblika, katak tinan ida ne’e espesiál, tanba Parlamentu Nasionál, mós aprova ona liuhusi rezolusaun katak loron 16 fulan Outubru ne’e hanesan loron Nasionál Liberdade Imprensa nian,” nia hateten.

Lee Mós:
UDMTL Hato'o Asuntu Rua ba PR Horta

Nia hatutan, husi eventu Dili Diálogu Forum, ho ninia Tema Jerál maka, “Dezafiu Média Iha Sudeste Aziátiku, hotu mak iha diskusaun ba temátiku sira.

Nune’e nia dehan, husi enkontru ne’e Prezidente Repúblika, José Ramos-Horta, resposta katak, nia sei laiha previzaun, maibé mós sei la halo vizita iha rai seluk, karik iha oráriu ruma ne’ebé falla Prezidente sei komunika ho KI.

Lee Mós:
CPN-CNRT Keixa ba MP Kona-ba Akuzasaun Alkatiri hasoru Xanana

“Prezidente asegura mai ami katak, sei ba iha eventu rua ne’e, karik iha oráriu ruma ne’ebé falla Prezidente sei komunika ho KI,” nia informa.

Ikus nia dehan, Prezidente Repúblika, enkoraja tan KI ho Parseiru sira atu hanoin oinsá halo diskusaun kona-ba partisipasaun jornalista sira husi rai seluk atu bele partisipa másimu liuliu iha eventu ne’ebé realiza iha Balibo ninian.

 1,203 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KI Konvida PR Horta Partisipa Eventu Dili Diálo…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: