DILI (Timor Post)- Primeiru Ministru (PM), Taur Matan Ruak, ohin fila ona husi Singapura hafoin ba halo tratamentu saúde iha Singapura tuir rekomendasaun médiku sira husi Hospital Nasionál Guido Valadares (HNGV).
Tuir observasaun Timor Post iha Terenu, Xefe Governu ne’e tun iha Aeroportu Internasionál Prezidente Nicolau Lobato Komoro, iha tuku 09:30 OTL ho aviaun Batik Indonézia.
Eis Prezidente Repúblika ne’e, hafoin tun simu direta husi Membru Governu sira hotu-hotu iha Aeroportu Komoro, no akompaña Primeiru Ministru liu kedas ba rezidénsia, Membru Governu sira fila mai Palásiu Governu hodi kontinua reuniaun Konsellu Ministru.
Primeiru Ministru Taur Matan Ruak, aranka ba Singapura iha loron (15/06), Durante semana rua Matan Ruak halo tratamentu saúde iha Singapura, nia mós uza oportunidade ne’e hodi halo kedas vizita ba embaixada Timor-Leste nian iha Singapura.
960 total views, 3 views today
