ADVERTISEMENT

CNC Partilla Istória Pasadu ba Membru PNTL Na’in 75

Timor Post - Jeral
Jornalista : Estaziadu Beatriz Belo
Editor : Mateus da Cruz
  • Share
Diretor divizaun relasaun externa komunikasauN advokasia (CNC), Gaudencio Soares Souza ho KomaNdante Polisia Nasionál Timor Leste Munisipiu Dili, Superintendente Xefi Henrique da Costa no membru PNTL

DILI (Timor Post)— Sentru Nasionál Chega (CNC), dezamina informasaun kona-ba istória pasadu hosi funu durante tinan 24 ba membru polisia nasionál Timor Leste, nune’e membru sira bele iha koñesimentu kona-ba violénsia hirak ne’ebé akontese iha tempu ne’ebá.

Diretór Ezekutivu Sentru Nasionál Chega (CNC), Hugo Maria Fernandes, hatete, atividade ida ne’e nu’udar parte ida atu kontinua dezamina relatóriu Chega nian ba entidade sira hotu liu daudaun ne’e foku ba membru PNTL sira.

ADVERTISEMENT
SCROLL FILA BA NOTISIA


“Ita hakarak ita nia membru polisia sira atu hatene kona ba, ita nian istória pasadu violénsia saida de’it mak ita nia povu hasoru, sira mós nu’udar polisia bele aprende hodi la bele akontese tan hanesan tempu uluk, militár Indonézia nia halo ne’e, ” nia dehan Hugo iha Komandu PNTL Dili, Kinta (23/06).

Lee Mós :
APS Iha Sasán Sufisiente Apoiu Emerjénsia ba Vítima Dezastre Naturál

Nia hatete, atividade ida ne’e atu membru PNTL sira bele iha koñesimentu di’ak kona-ba Direitu Umanu, atu nune’e iha servisu lor-loron nian sira la bele komete fila fali erru hanesan.

Atividade ida ne’e implementa ona dezde tinan 2019. Iha tinan ida ne’e nia laran iha funsionáriu públiku hamutuk atus neen maka partisipa ona.

“Ita mós halo ba autoridade lokál sira, husi nivel Suku, estudante, iha semana ida ne’e mós ita halo ba guarda prizaun, ita mós halo ba funsionáriu iha ministériu hotu no komesa horisehik no ohin too 8 Jullu agora, F FDTL, mós ita halo tiha ona liuhusi parseiru PDHJ, entaun ida programa kontinuasaun,” nia dehan.

Lee Mós :
Militares da marinha norte-americana já executaram 101 projetos em Timor-Leste

Iha fatin hanesan Komandante PNTL Munisípiu Dili, Superintendente Xefe Polisia, Henrique da Costa, dehan, iha membru hamutuk 75 maka kmandu PNTL delega hodi tuir atividade ida ne’e.

“Atividade ne’e ita prepara pesoál hamutuk 75, kompostu husi Membru forsa reserva, membru sira husi parte eskuadra sira, hamutuk mós ita membru sira husi parte tránzitu nian hodi partisipa ba iha sensibilizasaun ne’e,” nia subliña.

Lee Mós :
Governu Aprova Medida Foun ba Ezekusaun Estadu Emerjénsia

Iha atividade ne’e, membru sira akompaña kona ba iha prosesu tomak ba iha luta ba independénsia nian no mós ba iha violasaun Direitu Umanu ne’ebé mak akontese iha Timor Leste.

“Ita agradese ba iha parte ekipa husi Chega nian bele mai dezamina ona informasaun nee ba iha PNTL munisípiu Dili,” hakotu.

 1,971 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CNC Partilla Istória Pasadu ba Membru PNTL Na’i…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No