ADVERTISEMENT

Husu Telefone, Feen Han Basa

Timor Post - Jeral
  • Share

DILI—Tribunál Distritál Díli (TDD) hala’o julgamentu ba krime Ofensas Integridade Fízika Simples ho forma Violénsia Doméstika, nebe envolve arguido JD baku lezada VJ tanba deit husu telefone.

Tuir faktus neebé iha katak, iha loron 10 fulan Maiu, tinan 2019, tuku 08:00 OTL kalan, iha sira nia hela fatin Aldeia Becusse Sentru, Suku Becora, Postu Cristo Rei, Munisípiu Díli no momentu neebá arguidu halimar hela game  iha telemovel, lezada husu telemovel atu chas, tanba nee arguidu direitamente tuku lezada dala rua iha parte kabas, ka liman kabun parte karuk no dala ida iha parte lós.

ADVERTISEMENT
SCROLL FILA BA NOTISIA


Lee Mós :
MEJD garante reconstrução das escolas afetadas pelas últimas cheias

Nune’e arguidu kontinua tuku dala barak iha lezada nia ulun no matan-fukun dala ida, too rejulta bubu no metan halo lezada oin-halai.

Hahalok arguidu nian nee, halo lezada tauk no halai ba hatoo keixa iha eskuadra polísia Becora. Ho aktu ne’e akuza arguidu ho krime Ofensas Integridade Fízika Simples neebé previstu iha artigu 145 Kódigu Penál Timnor Leste ho forma Violénsia Doméstika.

Hatan ba akuzasaun ne’e arguido konfesa integralmente hodi deklara katak arguido atua duni aktu krime ne’e hodi baku lezada no tuku lezada.

Lee Mós :
Prosesu ElPar Besik Remata, Hein Tribunal Rekursu Proklama Rezultadu Ofisial

Iha fatin hanesan lezada mos konfirma ho akuzasaun katak arguido atua duni aktu ne’e.

Tanba arguido konfesa integralmente ba ninia hahalok ne’e, tribunal deside tama kedas ba alaegasaun, iha alegasaun ne’e MP kontesta katak kazu VD kada loron sempre mai ho numeru ne’ebé aas, tanba ne’e MP husu ba tribunal deside tuir konviksaun tribunal nian.

Enkuantu parte defeza solisita ba tribunál atu aplika pena neebe mais adekuadu ba nia kliente, tanba arguidu konfesa parsialmente ba buat neebe nia halo.

Lee Mós :
MS distribui mais de 10 mil doses de vacina por municípios

Hafoin rona tiha alegasaun, tribunal marka fali julgamentu ne’e ba loron 16 fulan Marsu 2020, tuku 05:30 OTL hodi rona desizaun.

Audiensia julgamentu ne’e, prejide husi juíz singulár Sribuana da Costa, MP reprezenta husi prokuradór Gustavo da Silva, arguidu hetan asistensia legál husi Defensór Publiku Sergio Quintas.(Ven)

 1,257 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Husu Telefone, Feen Han Basa” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No