Jornalista Jaime Pires/Editor Augusto Sarmento
DILI-(Timor Post)- Primeiru Ministru Taur Matan Ruak, kuarta ohin dezloka ba Singapura hodi hala’o tratamentu saúde iha Mount Elizabeth Novena Hospital, tuir rekomendasaun hosi médiku Ospitál Nasionál Guido Valadares (HNGV) nian.
Tanba durante pandemia COVID-19, Xefe Governu hala’o de’it check-up iha HNGV Dili, tanba ne’e, médiku HNGV rekomenda atu Xefe Governu presija ba tratamentu saúde iha Ospitál mais avansadu atu médiku espesialista sira bele kontrola di’ak Xefe Governu nia kondisaun saúde.
Hafoin aranka ba Aeroportu Internasionál Prezidente Nicolau Lobato Komoro, Akompaña husi membru oitavu governu tomak, to’o no sa’e Aviaun.
Eis Prezidente Repúblika ne’e, aranka ba Singapura iha tuku 11:15 OTL, ho aviaun Batik Indonézia.
Durante Primeiru Ministru Taur Matan Ruak halo htratamentu saúde iha li’ur, Vise Primeira-Ministra, Sra. Armanda Berta dos Santos mak sei asumi pasta interinamente.
Fó hanoin mós katak, Xefe Governu sei fila fali mai Timor-Leste iha loron 29 fulan-juñu tinan 2022.
1,710 total views, 9 views today
