ADVERTISEMENT

MS Husu HNGV Haree Estatutu Banku de Sange

Timor Post - Saude
  • Share
Ministra Saúde (MS), Odete Maria Freitas Belo, hetan entrevista hafoin remata seremonia Komemorasaun Loron Mundial Doador Raan, akompania husi Reprezentante OMS iha Timor Leste, reprezentante Prezidente CVTL, Xefe Departamentu Banku de Sange. (Imajen TP/ Mariano Abi)

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post)–Ministra Saúde (MS), Odete Maria Freitas Belo, iha komemorasaun loron mundiál ba doadór raan, iha nia diskursu husu, ba Diretór Jerál Ezekutivu HNGV, ho ninia Konsellu Diretiva, atu haree estatutu Departamentu Banku de Sange hodi submete dokumentu ba Governu hodi sai Instituisaun Autónomu.

ADVERTISEMENT
SCROLL FILA BA NOTISIA


Ministra ne’e afirma, HNGV presiza submete dokumentu ba Governu hodi hatuur estatutu Banku de Sange, sai hanesan Instituisaun Autónomu ida, tanba   iha nasaun seluk servisu ida ne’e sai órgaun independente ida atu iha kapasidade finanseiru hodi jere rasik servisu no iha podér atu halo servisu koordenasaun iha nivel hotu.

Lee Mós :
MS Aviza Komunidade Presiza Kuidadu Ho Risku Fenómenu Eclipse Solár

“La’ós atu hanesan diresaun maibé, departamentu Banku de Sange sei iha oportunidade atu sai hanesan instituisaun autónomu, maibé depende ba departamentu ida agora ne’e, depende mós ba Diretór Jerál Ezekutivu HNGV, ho ninia Konsellu Diretiva,” nia dehan iha serimónia Komemorasaun Loron Mundial ba Doadór Raan, ne’ebé realiza husi Departamentu Banku de Sange, iha Bidau HNGV, Tersa (14/06).

Nia akresenta, Banku de Sange iha posibilidade atu hatán ba Timor laran tomak, ho raan ne’ebé mak 0.1 to’o 0.3 porsentu husi ita nia populasaun, entaun raan ne’e tenke iha ita nia fatin, entaun serka 10 Mill tenke iha ita nia fatin, maibé raan ida ne’e la to’o, iha ita nia fatin ne’e menus husi ita nia ko’alia ne’e.

Lee Mós :
Implementasaun Estratéjia GEM-TL; Solusaun ba Problema Eskazas no Promosaun Saúde Públiku

“Ita presiza tau indikadór ida atu haree Banku de Sange, hodi bele serbisu forte liu tan, agora liu husi departamentu ida ne’e sira prontu atu halo serbisu ida ka lae”.

Nia afirma tan, agora ko’alia kona-ba departamentu ne’e, presiza diretór sira serbisu makaas, mak hanesan, konvense ami sira ne’ebé mak hamriik iha ne’e, atu halo doasaun raan, depende kritériu ne’ebé mak ita boot sira iha.

Lee Mós :
Pasiente ho Moras Mental iha HNGV Maioria Idade Joven

“Ida ne’e ha’u ko’alia kona-ba instituisaun autónomu, maibé depende ba diretór ou Xefe departamentu ne’ebé mak organiza ou lidera hela departamentu ida ne’e, no depende mós ba iha Konsellu Diretivu HNGV ninia serbisu forte, hodi haforsa liu tan ita nia departamentu Banku de Sange ida ne’e, tuir mehi ne’ebe mak ita hakarak” nia hakotu. (Lee Notísia Seluk Iha Jornál Timor Post/ Asesu You Tube Timor Post).

 1,663 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MS Husu HNGV Haree Estatutu Banku de Sange” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No