SEKOMS Lansa Literasia Dijitál Hamenus HOAX

Timor Post - Edukasaun · Nasionál · Siensia
  • Share
Sekretáriu Estadu Komunikasaun Sosiál (SEKomS), Merício Juvinal dos Reis “AKARA", reprezentante Prezidente Konsellu Imprensa (KI), Otelio Ote, no Asesor Prinsipál Primeiro Ministru (PM), Filipe da Costa, foto hamutuk ho Dirétor Eskola Sekundáriu Paulo VI, Pe.Luis Boneparte, akompania husi Diretóra sira iha sorin-sorin, no estudante sira. Imajen Media SEKomS

(Reportajen Estaziadu Mariano Abi/ Asistente Editor Hermenegildo da Costa Tilman)

Dili (Timor Post)–Atu kombate lia falsu ou HOAX, Governu Timor Leste liu husi Sekretáriu Estadu Komunikasaun Sosiál (SEKomS), hamutuk ho Konsellu Imprensa (KI), Asesór Prinsipál Primeiru Ministru, lansa programa Literária Dijitál, ho ninia tema ‘Kampaña Nasionál Kombate HOAX no Promove Internet Saudavel liu husi Sensibilizasaun Literasia Dijitál’, iha Eskola Sekundária Paulos VI.

ADVERTISEMENT
SCROLL FILA BA NOTISIA

Sekretáriu Estadu Komunikasaun Sosiál (SEKomS), Merício Juvinal dos Reis “AKARA”, hatete, programa ida ne’e hanesan esforsu ida oinsá mak estudante sira bele evita hoax ou lia falsa liu husi promove internet saudavel.

“programa ida ne’e foin maka ita lansa, ho ida ne’e, ita sei presiza tempu uitoan hanesan, fulan neen ou tinan ida hanesan ne’e, maka ita bele avaliasaun, atu hatene mais ou menus persentajen hira husi estudante sira ne’ebé mak iha mudansa hanoin ho pozitivu,” nia afirma hafoin halo lansamentu hotu, iha Eskola Sekundária Paulos VI, Akadiru-Hun, (13/06).

Lee Mós:
KI-UNDP Orgullu Produsaun Dahuluk Matadalan VBJ

Nia hatutan, Tanba programa ne’e foin lansa, ne’ebé husi parte SEKomS sei presiza tempu atu hatene nia persentajen ne’e, nune’e, husi programa ne’e mós sei tama sai eskola no universidade sira, tanba ita hotu hatene katak, tuir ne’ebé mak iha, joven no estudante mak uza meius komunikasaun barak, entaun meius ne’ebé mak sira uza ne’e balu pozitivu no balu negativu.

Lee Mós:
Kuba Komitmentu Tulun Governu Timor iha Área KomSos

“Maibé, ita sempre simu informasaun katak, utiliza ba negativu maka sei barak liu, hanesan hatún malu, lansa lia falsu ou HOAX, ho ida ne’e, entaun ami hanoin katak, edukasaun sívika ne’e tenke mai husi ita nia joven no estudante sira, atu nune’e sira iha matenek hodi utiliza mídia”. Nia dehan.

Nia hatutan, promove Literasia Dijitál nia objetivu maka, eduka ita nia sidadaun ou estudante sira, hodi utiliza meius komunikasaun ho edukativu, lansa informasaun iha kontein ne’e tenke ho kriatividade, hodi kontribui ba sivilizasaun ida ne’ebé mak pozitivu.

Lee Mós:
Virgílio Guterres “Lamukan”, o Quase Engenheiro Mecânico que se Apaixonou Pelo Jornalismo

“Benefísiu pozitivu husi meius komunikasaun barak loos, hanesan, kriatividade utiliza Plata forma YouTube, hakerek poezia, Kanta, hakerek istória badak, kria kontein pozitivu hodi promove turístika sira, atu nune’e, ema koñese ita nia rai diak liu, ida ne’e mak liu husi programa ida ne’e ita fiar katak bele muda pensamentu estudante sira nian kona ba oinsá maneira utiliza meius komunikasaun ho diak”. Nia hakotu. (Lee Notísia Seluk Iha Jornál Timor Post/ Asesu You Tube Timor Post).

 309 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEKOMS Lansa Literasia Dijitál Hamenus HOAX” A few seconds ago
  • Share

Notisia Timorpost Seluk


Komentariu :
Timorpost.com sangat menghargai pendapat Anda. Bijaksana dan etislah dalam menyampaikan opini. Pendapat sepenuhnya tanggung jawab Anda sesuai UU ITE.

error: