Reportajen Estaziada Ermelinda Caet/Asistente Editor Hermenegildo Tilman)
Dili (Timor Post)—Partidu Centru Asaun Social Demokrasia Timorense (CASDT) hala’o abertura partidu nian ba Segundu Kongresu Nasionál hodi prepara ba eleisaun Parlamentár períodu 2023-2028 ho tema “Esperansa ba Harii Futuru Nasaun ho Asaun Sosiál Demokrasia Timor Oan Hodi Hametin Justisa, Unidade no Solidariedade
Tuir Prezidente Komisaun organizadór Partidu CASDT, Paulo Valente Duarte hatete ohin sira halo Kongresu Nasionál ne’e hamutuk ho reprezentante no simpatizante partidu nian husi Munisípiu 13 inklui Ataúru hodi ko’alia kona ba preparasaun partidu nian iha eleisaun parlamentár tinan oin mai.
“Kongresu Nasionál ida ne’e foin mak ami hahú iha ohin loron ne’ebe ba oin ami sei kontinua ba iha Munisípiu 13 no mós ba to’o aldeia sira hotu hodi hato’o planu no preparasaun partidu CASDT hodi hasoru eleisaun parlamentár tinan 2023-2028”, Nia hateten iha Salaun Komisaun Nasionál Eleisaun (CNE), Kolmera, Dili, Sábadu (11/06).
Nia hatete, Kongresu ida ne’e importante, atu ita lian ida de’it, hodi hamutuk hasoru eleisaun parlamentár ne’ebe mak sei realiza iha tinan oin mai.
“CASDT husu ba estrutura partidu nian husi nivel nasionál to baze tenke serbisu maka’as no hametin malu, atu nune’e partidu bele hetan vitória, tan partidu Centro ASDT nia manán hanesan vitória ba Timor-Leste nia istória no jerasaun foun nian ne’ebé hakarak lori mudansa pozitivu ba ita-nia rai doben Timor-Leste.
Alende Kongresu Nasionál ne’e, iha mós toma de pose kedas ba Koordenadór partidu nian hamutuk na’in-65.
“Ha’u husu ba membru sira ne’ebe mak foin simu tomada dé pose ne’e tenke prontu atu servisu maka’as liután husi baze to’o munisípiu hodi garantia no lori CASDT hodi hetan vitória iha eleisaun parlamentár 2023 mai”. Hakotu (Lee Notísia Seluk Iha Jornál Timor Post/Asesu Iha You Tube Timor Post).
1,132 total views, 6 views today
Bele hare Video Seluk :
Subscribe to Timorpost
