(Reportajen Beatriz Baptista Belo/Asistente Editor Hermenegildo da Costa Tilman)
Dili (Timor Post)—Durante kalan rua, dia 8-9 Fulan Junho, halo pasa revista ba motor no karreta estadu no privadu iha Kapitál Dili, Polisia Nasionál Timor-Leste (PNTL), konsege detein motorizada hamutuk 92.
“Operasaun ida ne’e ita hahú loron rua, 08-09 fulan Juñu, prosesu tomak hala’o iha kalan, tanba kalan sidadaun barak mak gosta kontra regra, iha operasaun pasa revista ida ne’e PNTL konsege prende motorizada hamutuk 92,” dehan Komandante Segundu PNTL Munisípiu Dili, Superintendente Polisia João Pires ba jornalista sira iha nia knar fatin Kaikoli, Sesta (10/06).
Nia hatete, atividade operasaun ne’e hala’o tanba orientasaun ne’e mai direta hosi
Segundu komandante PNTL Munisípiu Dili, Superintendente Polisia João Pires, hatete, komandu Jerál PNTL, komisáriu Faustino da Costa, ne’ebé orienta Eskuadra Dom Aleixo, Eskuadra Nain Feto, Eskuadra Vera Crus, Eskuadra Kristu Rei hodi hamutuk ho Polisia Tránzitu atu halo operasaun kalan ba karreta motor sira.
Nia haktuir, motorizada sira ne’ebé sira prende ne’e agora daudaun iha hotu komandu Munisípiu Dili no sei la’o tuir prosesu investigasaun nian
“Motorizada sira ne’ebe mak ita prende mai para prosesu tuir Lei, tanba motor balun la iha espellu, balun la iha helm, balun la iha dokumentu, tanba ne’e tenke ita halo para bele la’o tuir Lei,” nia dehan.
Operasaun ne’e la’ós iha loron rua nian laran de’it, maibé operasaun kalan sei kontinua nafatin.
“Ita hakarak kontinua operasaun kalan, tanba ita hakarak Sidade Dili ne’e seguru ba ema hotu, se lae motor barullu tun sa’e uza kanu resin halo ita nia komunidade barak ne’ebe mak hakarak deskansa susar tanba barullu,”
Nia informa, durante kalan rua ne’e sira halo pasa revista, maibé la prende karreta ida, sira konsege prende kuaze motor de’it no mós la hetan sasán kro’at balu,” nia hakotu. (Lee Notísia Seluk Iha Jornál Timor Post/ Asesu You Tube Timor Post)
972 total views, 3 views today
Bele hare Video Seluk :