(Reportajen Jaime Pires/Editor Mateus da Cruz)
DILI (Timor Post)- Primeiru Ministru (PM), Taur Matan Ruak la konkorda atu sosa tan tratór boot foun ba povu Agrikultór sira tanba tratór barak maka sosa ona maibé ikus mai estraga de’it laiha manutensaun.
“Ministru Agrikultura levanta duni atu sosa tratór maibé ha’u nia intervensaun ha’u dehan bele sosa tratoris ki’ik maibé tratoris boot ita hadi’a lai, tanba ita iha tratoris boot barak maibé Ministériu la hatene oinsá atu rekopera fali, agora ita sosa tan sosa tan atu halo saida so para estraga osan de’it,” Nia dehan iha Parlamentu Nasionál hafoin partisipa iha debate Lei Grande Opsaun, Sesta (03/06).
PM Taur hatete, di’ak liu ba oin ministériu Obra Públika no Ministériu Agrikultura uza tratór hamutuk de’it nune’e evita duplika servisu.
“Ministériu Agrikultura no Obra Públika sei asina akordu hodi uza ekipamentu pezadu Obras Públika ninia, se lae ita duplika tanba Agrikultura iha tratoris Obras Públika mós iha tratoris, nusa mak ita la uza hamutuk de’it no ita sei ajusta de’it maka regra sira ne’ebé mak estabelese ba kompeténsia sira ne’ebé mak iha ona,” nia dehan. (Lee Notísia Seluk Iha Jornál Timor Post/ Asesu You Tube Timor Post)
1,238 total views, 3 views today
Bele hare Video Seluk :
Subscribe to Timorpost
