ADVERTISEMENT

Kontra Direitu Públiku, KI Halo Protesta Hasoru MNEK  

Mateus da Cruz - Dili · Nasionál
  • Share
Prezidente Konsellu Imprensa (KI), Virgílio da Silva Guterres hamutuk ho estrutura halo Konferensia Imprensa, iha Salaun KI. Imajen Midia KI.

(Reportajen Estaziadu Mariano Abi/ Asistente Editor Hermenegildo da Costa Tilman)

Dili (Timor Post) – Konsellu Imprensa (KI) lamenta ho palavra Ministériu Negósiu Estranjeiru no Kooperasaun (MNEK) iha nia komunikadu ne’ebé mak bandu jornalista sira atu labele husu pergunta ba bainaka Estranjeiru MNEK nian ne’ebé tuir ajenda ohin sei halo vizita mai iha Timor Leste.

ADVERTISEMENT
SCROLL FILA BA NOTISIA

Lee Notisia Relevante : F-FDTL- PNTL Halo Simulasaun Prepara Simu Vizita MNEK Xina

Prezidente KI, Virgílio da Silva Guterres, hatete, KI preokupa tebes ho komunikadu MNEK nian ne’e no konsidera MNEK kompromete ona direitu povu nian atu hatene informasaun relasiona ho vizita MNEK Xina nian mai Timor Leste.

“Prezidente Repúblika iha Timor ne’e, povu maka hili, tanba ne’e povu no públiku iha diretu atu hatene asuntu sira ne’ebé mak PR diskute ho ninia bainaka sira, ho ida ne’e maka sai preokupasaun KI ninian”, nia hato’o lamentasaun jornalista sira liu husi Konferénsia Imprensa, iha Salaun KI, Sesta (03/06).

Lee Mós:
Lu-Olo Hatán Deklarasaun CNRT ho Hamnasa

“KI mós halo protestu ba MNEK, atu la bele kompromete, protestu ne’e atu hatete de’it, bainhira ita bandu jornalista iha ita nia rai ida ne’e, atu labele husu ba ita nia bainaka sira, ne’ebé mak mai ho ko’alia kona-ba interese rai ida ne’e ninian, ne’e ita kompromete povu no públiku ninia direitu,” nia hatutan.

Prezidente KI hatete, Relasaun internasionál ne’e kria atu kontribui ba direitu ema hotu nian, atu nune’e para eleva dignidade povu ida ne’e ninian, la’ós atu kompromete povu ninia dignidade, bandu jornalista atu husu pergunta ba bainaka estranjeiru ne’e hatudu katak MNEK-TL kompromete ona dignidade povu no direitu públiku nian atu buka hatene kona ba asuntu Vizitasaun ne’e.

Lee Mós:
CNRT Admira Governu Brani Fahe Subsídiu Sein Dadus

KI hanesan entidade Estadu ninian, apresia esforsu estadu ninian, atu estabelese relasaun diplomátika ho nasaun sira seluk, liu-liu ho objetivu hodi lori moris di’ak ba povu ida ne’e maibé buat ne’ebé KI tau preokupasaun maka relasoens internasionais, relasoens diplomata sira ne’e, labele kompromete direitu povu nian, direitu públiku ninian atu hetan informasaun.

Nia subliña, iha KRDTL artigu 40 no 41, ne’ebé mak ko’alia kona-ba liberdade imprensa, no artigu 8 ko’alia kona-ba relasoens internasionais, hatete, katak, RDTL ninia relasaun Internasionál ne’e, bazeia ba prinsípiu direitu humanu ninian, rekoñesimentu rai ida ne’e ninian no invoka mós artigu 9 kona ba, resensaun ba órgaun direitu Internasionál, katak bazeia ba artigu ida ne’e, PN ratifika tiha ona konvensaun Internasionál sira liu-liu deklarasaun universal direitu humanu.

Lee Mós:
Lú Olo Sei Estuda Pedidu Deklara Estadu Emerjénsia ba Virus Corona, Governu Husu Komunidade Mantein Kalma

“Iha ne’ebá artigu 19 ko’alia kona-ba sidadaun hotu-hotu iha diretu atu hetan informasaun, no fahe informasaun ne’e diretu humanu, tanba ida ne’e labele bandu jornalista sira atu husu pergunta ne’e kontra ona direitu públiku atu buka hatete kona ba informasaun” nia hakotu. (Lee Notísia Seluk Iha Jornál Timor Post/ Asesu You Tube Timor Post)

 635 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kontra Direitu Públiku, KI Halo Protesta Hasoru…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: