(Reportajen Cardenio Alves/Asistente Editor Hermenegildo da Costa Tilman)
Dili (Timor Post)— Governu Timor Leste liu husi Sekretáriu estadu Juventude no Desportu (SEJD), prevee orsamentu ho montante Millaun 2,6 USD, hodi harii Sede ba Arte Marsiais sira iha Timor Leste.
“Tinan ne’e ita tau 2.6 Millions, iha hela Ministru Finansas nia fatin, aban bairua ita sei servisu ho gabinete Primeiru Ministru, atu ezekuta orsamentu ida ne’e”, hatete husi Sekretáriu Estadu Juventude no Desportu (SEJD), Abrão Nokosiku Saldanha, iha edifísiu SEJD, Tersa, (31/05).
Nia hatete, daudaun ne’e sira kria ona kritériu no prosedimentu atu asesu ba apoiu, La’ós de’it ba modalidade arte marsiais tolu hanesan IKS, PSHT, no KORK maibé mós ba arte ritual sira.
“Ami sei bolu modalidade arte marsiais sira hotu ida ne’ebé mak hakarak harii sira nia sede, kona-ba fatin sede sira ne’e mak atu harii, no governu deside ona katak sei harii uluk iha nasionál depois ba munisípiu sira”, nia dehan.
“Daudaun ne’e ita halo de’it ba sira iha nasionál, atu harii iha ne’ebé ne’e depende ba kondisaun kada organizasaun balu iha ona ita bele rehabilitate de’it ou harii fali foun, balu la iha ajuda buka rai ho sira, agora halo iha Dili de’it”. Nia hatutan.
Iha sorin seluk Sekretáriu Jerál Federasaun Karate-do Timor Leste (FEKATIL), António Carlos de Araújo, hatete, nia parte kontente ho planu governu ne’ebé mak atu harii Sede ba Arte Marsiais.
“Ami kontente Se governu planu atu halo ba arte Marsiais hotu-hotu “, Nia hakotu. (Lee Notísia Seluk Iha Jornál Timor Post/Asesu You Tube Timor Post)
1,424 total views, 3 views today
Bele hare Video Seluk :
Subscribe to Timorpost
