(Reportajen Jaime Pires/Editor Mateus da Cruz)
DILI (Timor Post)- Atu hametin liután relasaun governu Xina ho Timor Leste, iha fulan Jullu tinan ne’e Ministru Negósiu Estranjeiru Xina Sei mai vizita Timor-Leste iha fulan Jullhu tinan ne’e.
“Ohin ha’u mai hasoru Primeiru Ministru atu briefing no relata progresu ba preparasaun vizita Ministru Negósiu Estranjeiru Xina atu mai vizita iha loron 03 fulan Jullu Tinan 2022 ne’e,” dehan Ministra Negósiu Estranjeiru no Kooperasaun, Adaljiza Magno, iha Faról, Segunda, (30/05).
Nia hatete, iha enkontru ne’e nia relata ba Primeiru Ministru kona-ba preparasaun saida mak presiza atu halo ho Xina kuandu nia (primeiru ministru Xina) mai Timor-Leste.
“Tanba ne’e mak ha’u fó hatene ba Primeiru Ministru hosi nia bele hatene tiha antes, molok Ministru mai ita atu simu,” Nia deklara.
Nia mós dehan, bainhira Ministru Negósiu Estranjeiru Xina to’o mai, governu nasaun rua sei asina akordu haat maka hanesan iha area Agrikultura, Ekonomia, Aereu no Saude.
“Akordu ne’e mak ida iha Aero ninian, ida iha Ekonomia no Agrikultura nian, ida tan mak área Rádiu no Televizaun no ikus liu mak área médiku ninia tanba sira atu haruka médiku Xina nia mai iha Timor-Leste,” subliña.
Entretantu alende asuntu haat ne’e, sei iha mós asuntu balun ne’ebé governu sei rua sei halo diskusaun, no bainhira iha konkordánsia maka governu sei hato’o fila fali ba públiku.
“Sei iha mós akordu balun ne’ebé mak ami sei halo hela diskusaun karik iha ona konkordansia ami sei fó sai fali ba públiku iha tempu tuir mai,” hakotu.(Lee Notísia Seluk Iha Jornál Timor Post/ Asesu You Tube Timor Post).
603 total views, 6 views today
Bele hare Video Seluk :
Subscribe to Timorpost
