(Reportajen Jaime Pires/Editor Mateus da Cruz)
DILI (Timor Post)- Ministru Asuntu Parlamentár no Komunikasaun Sosiál (MAPKOMS), Francisco Jeronimo, Ohin, Segunda (30/05) informa, rezultadu enkontru ninia vizita iha Vietname ba Primeiru Ministru Taur Matan Ruak.
“Ohin ha’u mai hasoru malu ho Primeiru Ministru hato’o relatoriu oituan wainhira nia autoriza ha’u iha semana kotuk ba Vietname hodi hasoru malu ho Prezidente AFF ho nasaun sira Asian ninia hodi ko’alia kona-ba progresu Futeból iha Asian ninia, no ohin ha’u informa ida ne’eba nia” dehan Nia ba Jornalista iha Rezidénsia Primeiru Ministru, Faról.
Nia hatete, durante viajen iha Vietname, progresu sira la’o di’ak tebes. Iha Vietname nia parte konsege asina akordu hodi jogadór Selesaun Nasionál sira bele hetan oportunidade hodi ba jogu tray-out iha Qatar.
“Entaun ita nia jogadór sira ba duni ona sira Halo tray-out ho ekipa Nepál konsege impata 2-2, agora sira aranka fali mai hodi halo tan jogu amigavel ho Cambodia,” dehan Nia.
Nia aumenta tan, tanba ne’e nia parte asina ona akordu hodi Selesaun Nasionál bele hetan oportunidade iha oráriu jogu free day husi FIFA nia hodi bele ba joga ho nasaun sira seluk.
“Ohin informasaun sira kona-ba rezultadu jogu iha nivel Asian ninia progresu inklui kona-ba infraestrutura Futeból iha Timor-Leste nia ba Primeiru Ministru,” hakotu.
Ministru Asuntu Parlamentár no Komunikasaun Sosiál (MAPKOMS), hanesan Prezidente Federasaun Futeból Timor-Leste (FFTL), ba partisipa enkontru iha Vietname iha loron (19/05) no fila hikas mai Timor-Leste iha loron (27/05) ne’e. Francisco Jeronimo assume hikas ninia knaar nu’udar ministru hafoin durante semana ida knaar refere assume hosi Sekretáriu Estadu Komunikasaun Sosiál, Mericio Akara. (Lee Notísia Seluk Iha Jornál Timor Post/ Asesu You Tube Timor Post).
470 total views, 3 views today
