ADVERTISEMENT

Membru LFTL Na’in-3 Sei Halo Estudu Komparasaun Iha Indonézia

Mateus da Cruz - Dili · Nasionál
  • Share
Diretor ezekutivu na'in tolu, komportu husi Diretor Relasaun Publika, iha klaran Diogo neto Fraga, faru mean nudar Diretor Tekniku, Vital Saldanha, no faru mutin nudar Diretor Kompetisaun, Martinho Ribeiro. Imajan TP: Cardenio Alves

(Reportajen Cardenio Alves/Asistente Editor Hermenegildo da Costa Tilman)

Dili (Timor Post)—Liga Futeból Timor Leste (LFTL), iha planu sei halo estudu komparasaun iha nasaun Indonesia, tanba hakarak atu halo dezenvolvimentu di’ak liu tan liga futeból iha futuru.

ADVERTISEMENT
SCROLL FILA BA NOTISIA

“Ami iha planu ida atu eleva koñesimentu estrutura ba membru sira, nune’e abilidade la’ós hetan de’it iha nasaun laran, maibé mós halo estudu komparasaun ho ita nia nasaun viziñu ne’ebé ho liga futeból avansadu hanesan Indonézia hodi hatene di’ak liu tan lala’ok futeból nian iha futuru mai”. dehan Diretór Relasaun Publika, Diogo Neto Fraga, iha Fatin Xanana Sport Center Bairru Formoza, Kinta, (27/06).

Lee Mós:
KAK Sei Lori Funsionáriu La Devolve Subsídiu $200 ba Tribunál

Nia hatete, iha membru LFTL na’in tolu maka sei ba halo estudu komparasaun iha Indonézia hodi hetan mós esperiénsia kona ba liga futeból nian.

“Ha’u bele dehan katak, LFTL iha tinan 2022 Ida ne’e, hodi konkretiza planu Ida ne’e atu haruka ho nia membru ezekutivu na’in tolu, kompostu husi Diretór Relasaun Publika, Diretór Kompetisaun, Diretór Tékniku, ne’ebé sei arranka iha loron 27 fulan Maiu, 2022”,nia hatete.

Lee Mós:
PD: La Presiza Re-avalia PEDN

Estudu komparasaun ba liga futeból ne’e iha Indonézia no sei iha planu mós halo estudu komparasaun iha Portugal, nune’e bele koñese loloos sira Nia kompetisaun liga futeból nee la’o oinsá, hodi bele banati tuir, atu dezenvolve LFTL ne’e ho di’ak liu tan iha futuru.

Estudu komparasaun ida ne’e ho durasaun loron sanulu (10), no mós hetan ona sekuénsia lubuk ida, nune’e sei hare ba sira nia dezenvolvimentu liga futeból nian no mós orsamentu ne’ebé uza hodi hala’o estudu komparasaun ne’e liu husi liga rasik. (Lee Notísia Seluk Iha Jornál Timor Post/ Asesu You Tube Timor Post)

 585 total views,  15 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Membru LFTL Na’in-3 Sei Halo Estudu Kompa…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: