(Reportajen Jaime Pires/Editor Mateus da Cruz)
DILI (Timor Post)- Autoridade Inspesaun Fiskalizasaun Atividade Ekonómiku Alimentár (AIFAESA IP), prende negosiante sira ne’ebé mak Fa’an Sigarru Surya ne’ebé fa’aan iha Largo Lesidere.
Tuir observasaun ne’ebé mak Timor Post haree ekipa AIFAESA la’o ain hodi halo Inspesaun ba Negosiante ambulante sira ne’ebé mak Fa’an Iha Largo Lesidere hodi hare mós sasán nia data produs ka Prazu inklui foti sasán sira ne’ebé mak governu bandu hodi fa’an.
Iha treinu Timor Post hare, sira konsege prende negosiante sira nia sasan sira hanesan Sigarru marka Surya-12 lubun ida ne’ebé mak governu bandu hodi labele fa’an iha Timor-Leste.
Enkuantu balun Negosiante sira hare uluk sita prende balun tauk subar maibé sira obriga Negosiante sira hodi hasai Sigarru ne’ebé mak nia subar.
“Ha’u triste tanba Sigarru sira ne’e ami mós hola tutan mak mai fa’an fali maibé ohin sira mai prende hotu kedas ami sente triste tanba ami lakon hotu ami nia osan sira ne’ebé mak ami lai hola ne’e, tanba ha’u nia Sigarru de’it ohin sira foti ne’e folin $100 ba leten,” dehan Negosiante ne’ebé lakohi temi nia naran ba Timor Post iha, Largo Lesidere, Kinta (26/05).
Nia aumenta, tanba osan ne’ebé mak sira lori sosa tutan Sigarru Surya ne’e osan sira fa’an loron kalan hetan ne’e mak lori hola fali ne’e, agora mai foti hotu tiha sira lakon totál.
“Se hanesan ne’e governu tenke foti desizaun maka’as atu nune’e Sigaru ne’e labele tama Ilegál mai hodi ema mós faan tutan fali mai ami, agora Sigarru tama Ilegál nafatin ema mós kontinua fa’an mai ami,” hakotu.(Lee Notísia Seluk Iha Jornál Timor Post/Asesu You Tube Timor Post)
729 total views, 9 views today
Bele hare Video Seluk :
Subscribe to Timorpost
