Komunidade Xineza Hatudu Dragon Dance ba Deskobrimentu BIZ

(Reportajen Cardenio Alves/Asistente Editor Hermenegildo da Costa Tilman)

Dili (Timor Post)—Komunidade Xineza iha Timor-Leste, ohin hatudu sira nia dansa kulturál tradisionál ho naran He Fu ba deskobrimentu Business Industrial Zone (BIZ).

SCROLL FILA BA NOTISIA

“Ami organiza ida ne’e hanesan atividade Internasionál ba deskobrimentu Bisnis Industrial Zone hanaran, He Fu ka atividade Dragon dance iha Timor Leste, hodi hatudu katak ida ne’e mak ami nia tradisionál kulturál ne’ebé hatudu iha ne’e”, hatete husi Organizadór ba Atividade Dragon Dance, He Peng, iha Fatin Fomentu, Kuarta, (25/06).

Lee Mós :

Nagardjo no FIEL Fc Deside La Kontinua Joga

Tuir nia, atividade ida ne’e la’ós foin mak hatudu primeira iha Timor Leste, maibé iha nasaun selu-seluk hatudu no komemora ona, nu’udar dansa kulturál husi komunidade Xina nian ne’ebé hanaran dragon dance.

“Atividade dragon dance ida ne’e, nu’udar kultura ne’ebé importante ba komunidade Xina, no sai nu’udar talentu importante iha eventu ba lansamentu deskobrimentu bisnis industrial zone”, nia subliña.

Lee Mós :

Inséndiu Tasi-tolu Hela Akudesan no Besi Metan

Iha fatin hanesan, Ministru Koordenadór Asuntu Ekonomia, Joaquim Amaral, hatete, atividade ne’ebé hanesan Xineza halo fó oportunidade ba sira atu hatudu mós sira nia dansa tradisaun ida ne’e, nune’e iha futuru bele utiliza programa sira hanesan ne’e.

“Oportunidade ida ne’e, sai hanesan momentum espesiál mai ita Timor, atu ita hadi’a fatin turizmu sira iha rai laran ho diak no halo prezervasaun no haree ba grupu-grupu ne’ebé iha intensive atu halo atividade hanesan dansa tradisionál, no mós dragon dance, nune’e futuru bele asegura mós ho area turizmu sira”, nia dehan. (Lee Jornál Timor Post/Asesu You Tube Timor Post)

932 total views, 9 views today

Oinsa Ita nia Reaksaun iha Notisia Nee?