(Reportajen Cardenio Alves/Asistente Editor Hermenegildo da Costa Tilman)
Dili (Timor Post)—Ministra Saúde (MS), Odete Maria Freitas Belo, hatete, durante atividade serimónia tomada de pose no restaurasaun independénsia ba da-XX, la deteta bainaka VIP maka sofre Covid-19 no agradese tanba bainaka hotu kumpre regra Covid-19.
“Eventu ida ne’e hala’o iha tempu ne’ebe pedemeia ne’e seidauk remata, ho nune’e ami nia preparasaun simu bainaka sira ne’e nafatin hala’o swap maski Covid nia númeru menus, maibé nafatin antesipa, entaun husi Aeroportu nafatin informa Covid-19 nian, uza Máskara no mós hand sanitizer atu ita nafatin prevene husi moras ne’e ,”nia dehan iha Hospital Nasionál Guido Valadares, Segunda, (23/06)
Nia hatete, parte ministériu saúde la halo bainaka sira teste tanba dekretu Lei antes kolia kedas pelumenus komunidade hotu simu 80%.
“Tuir rekizitu WHO, nian katak kada indivíduu ida tenke iha kartaun vasinasaun nian, ho nune’e MS nafatin husu ba bainaka sira mai lori ho kartaun vasina nian bainhira kartaun vasina la iha hakarak ka lakohi tenke halo izolamentu ba sira, Maibé la akontese tanba ema hotu-hotu viajen ho kartaun vasina” nia dehan.
MS to’o loron ohin seidauk simu informasaun ou karta ruma katak durante serimónia no festa demokrasia ne’e iha ema (bainaka) ruma ne’ebé mak moras no ha’u espera katak ema hotu ho Saúde di’ak too fila fali ba sira nia rai.
Orsamentu durante atendementu ba bainaka sira foti hosi fundu Covid-19 nian. Orsamentu ne’e barak liu koloka ba prepara hahán ba médiku, enfermeiru, sira iha Aeroportu. (Lee Notísia Seluk iha Jornál Timor Post/Asesu You Tube Timor Post)
1,001 total views, 3 views today
Bele hare Video Seluk :