ADVERTISEMENT

Pe. Angelino Husu Sarani Tau Nafatin Fiar ba Kristu

Mateus da Cruz - Dili
  • Share
Padre Angelino da Cruz Fernandes

(Reportajen Estaziadu Cornelio Mota/Editor Mateus da Cruz)

Dili (Timor Post) –Tama ba semana neen tempu paskua, sarani sira hotu presiza tau nafatin fiar no domin ba iha Kristu, tanba Na’i Maromak sei la husik ita monu leet de’it.

ADVERTISEMENT
SCROLL FILA BA NOTISIA


Padre Angelino da Cruz Fernandes, liu husi ninia refleksaun iha misa domingo iha kapela Semináriu Maior Interdiosezanu São Pedro no São Paulo (SPEPAL) Fatumeta, hatete, iha mundu ne’e la iha ema ida mak hetan susesu la liu husi dezafiu sira moris nian, hodi hanoin katak moris ne’e perfeitu ona nune’e nia moris lakohi atu depende mos ba ema seluk.

“Bainhira ita hetan susesu ruma hakarak ka lakohi tenki liu husi difikuldade oioin, ema tarata ita, haree ita la di’ak, tolok ita, konta ita nia vida no seluk tan, ho nune’e importante ita tau nafatin ita nia fiar iha Kristu, katak Nia sempre hadomi ita no ho Nia ita bele hetan susesu ida ne’ebe bele lori ksolok mai ita nia aan no mos ba ema seluk”,nia dehan.

Lee Mós :
Mensajen Xanana ba ME, Ohin Profesór 820 Simu Toma de Pose

Nia hatete, apóstolu sira Jesus nian hanorin hela mai ita, katak, maske sira hasoru difikuldade oioin, problema oioin, terus no susar oioin iha sira nia haklaken sira, iha sira nia pastoral sira, maibé sira metin nafatin iha Kristu Nia domin, nune’e sira husik Espíritu Santu mak lori sira iha sira nia moris lor-loron nian.

Lee Mós :
DNTT Produs Blanku Hamutuk 7.149

Relata husi evanjelista São João (Jo. 14, 23-29), Jesus hakarak fo aten brani no korajen nafatin ba Nia eskolante sira iha misaun ne’ebé sira sei hala’o hodi bele haklaken nafatin Na’i Nia liafuan di’ak ba ema tomak hodi tau fiar metin iha Nia.

“Evanjellu ba loron ohin nian Jesus hato’o pontu importante haat ba Nia eskolante sira, ba dala uluk mak domin; Ema ne’ebé hadomi Hau, nia sei halo tuir Hau Nia lia-fuan, Hau nia aman sei hadomi nia. Ema  nebe lahadomi hau nia sei la halo tuir hau nia liafuan, Hau ho Aman sei la hela hamutuk ho nia,”.

Tuir fali mak dame, “Ha’u nia dame hela ho imi, Hau fo ba imi Hau dame;dame ne’ebé Hau fo ba imi, la’os hanesan mundu fo ba imi; datoluk, Jesus promete paráclito iha Espírito Santo Ksolok na’in, Nia sei hanorin imi ba buat hotu-hotu, Nia mak sei halo imi relembra buat tomak ne’ebé Hau hanorin ona ba imi,”

Lee Mós :
Jogadór Paulo Gally Sei Joga Iha Klube Entre España ou Portugál

No ikus mak, “Jesus promete katak maski Nia ba ona maibé Nia sei fila fali mai, nune’e ita hadomi karik Jesus, ita sei hetan haksolok,” nia haklaken.(Lee Notísia Seluk Iha Jornál Timor Post/Asesu You Tube Timor Post)

 756 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pe. Angelino Husu Sarani Tau Nafatin Fiar ba Kr…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No