Dili (Timor Post)–Prezidente Repúblika, Francisco Guterres Lú Olo, horisehik, 18 Maiu 2022, promulga Dekretu-Lei subsídiu iha tinan nia rohan ba uma kain ho montante fiksu $ 200.
“Subsídiu ba uma-kain iha tinan nia rohan ho objetivu atu apoiu ekonomia ba famílias ne’ebé vulnerável liu hodi hetan benefísiu osan ba selebrasaun festa iha tinan nia rohan,”haktuir komunikadu imprensa ne’ebe Timor Post asesu hosi Palasiu Prezidensial, Kinta (19/05).
Anualmente iha tinan nia nia rohan Governu aprova halo pagamentu estraordináriu ho saláriu adisionál ba funsionáriu no ajente Administrasaun Públika no traballadores nacionais sira seluk. Maibé halo pagamentu husi parte Estadu ba traballadores husi instituisoins públikas kria desigualdade no injustisa sosiál ba sidadaun sira seluk, espesialmente ba sira ne’ebé la hetan rendimentu mensál regular ka laiha serbisu, tanba sira ne’e mak tenke hetan benefísiu sosiál husi Estadu.
Benefisíariu sira husi subsídiu iha tinan nia rohan mak uma kain sira ne’ebé rejistadu iha “Livru Rejistu Uma Kain” iha suku sira iha territóriu nasionál tuir Diploma Ministerial númeru 49/2017, 23 agostu, no prezente hela iha territóriu nasionál bainhira halo pagamentu.
Uma Kain sira ne’ebé sei hetan subsídiu ne’e mak uma kain ho rejistu efetuadu to’o 28 fevereiru 2022. Bainhira auzente iha tempu halo pagamentu tenke aprezenta justifikasaun ne’ebé bele simu. (Lee Notísia seluk Iha Jornál Timor Post/Asesu You Tube Timor Post)
794 total views, 3 views today
Bele hare Video Seluk :