ADVERTISEMENT

Prezidente Repúblika Portugál To’o Ona Iha Aeroportu Komoro

Mateus da Cruz - Dili · Nasionál
  • Share
Prezidente Repúblika Portugál, Marcelo Rebelo, Imajen TP/ Augusto Lourdes

(Reportajen Jaime Pires/Editor Mateus da Cruz)

DILI (Timor Post)- Prezidente Repúblika Portugál, Marcelo Rebelo, Kinta (19/05), dadeer ne’e, to’o ona iha Aeroportu Prezidente Nicolau Lobato Komoro, ho aviaun EUROATLANTIC.

ADVERTISEMENT
SCROLL FILA BA NOTISIA

Xefe Estadu Portugál  to’o iha Timor-Leste tuir duni ajenda ne’ebé mak iha hodi konsege tun iha Aeroportu Nicolau Lobato iha tuku 06:30 dadeer ne.

Prezidente Repúblika Portugál, Marcelo Rebelo ho delegasaun tun hosi Aviaun Euroatlantic

Hafoin tun iha Aeroportu simu kedas husi Vise-Primeiru Ministru no Ministru Planu Ordenamentu Teritoriu José Reis, no simu hasoru ho kultura Timor-Leste nia hanesan dansa kultura no balu babadok.

Lee Mós:
Kompleta Loron 100, PR Horta Sama-Ain Hikas iha PN

Tuir observasaun Timor Post, hafoin Xefe Estadu Portugál sama ain iha Aeroportu ho laran kontente hodi hasai foto ho timoroan sira no hatudu nia simplisidade tanba sa’e tiha karreta tun fali hodi hasai foto ka selfie iha Aeroportu Komoro.

Lee Mós:
APORTIL,IP Halo Mudansa Estrutura ba Kargu Diretór no Xefia

Hafoin sai husi Aeroportu laran akompaña kedas husi seguransa pesoál sira ne’ebé mak governu prepara inklui membru Polisia Nasionál Timor-Leste (PNTL), akompaña hodi mai deskansa iha fatin ne’ebé mak governu prepara iha Hotel Timor.

Tuir ajenda orasida tuku lima loro kraik Prezidente Portugál  ne’e sei ba vizita eskola CAFE de Taibesi.

Fó hanoin fali katak Xefe Estadu Portugál ne’e mai Timor-Leste hodi partisipa serimónia Investidura ba Prezidente Repúblika eleitu José Manuel Ramos Horta, nune’e mós atu partisipa serimónia komemorasaun loron Restaurasaun Independénsia Timor-Leste 20 de Maiu ba dala-20.(Lee notisia seluk iha Timor Post/Asesu You Tube Timor post)

 198 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Repúblika Portugál To’o Ona Ih…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: