ADVERTISEMENT

ATRTL-TBEH Realiza Konkursu Públiku Hili Ambassador Turizmu

Mateus da Cruz - Dili
  • Share
Prezidente ATRTL, Padre, Angelo Salsinha. Imajen TP/ Mariano Abi

(Reportajen Estaziadu Mariano Abi/Editor Mateus da Cruz)

Dili (Timor Post) – Asosiasaun Turizmu Relijiozu (ATR-TL) no Turizmu Ba Ema Hotu (TBEH), realiza konkursu públiku hodi hili foin sa’e na’in rua hodi sai Ambassador  turizmu ba ema hotu ba períodu 2022-2023.

ADVERTISEMENT
SCROLL FILA BA NOTISIA


Prezidente ATR-TL, Padre, Angelo Salsinha, hatete, kompetisaun ida ne’e hala’o ba públiku liu-liu ba joven sira ne’ebé maka iha potensialidade hodi promove turístiku iha Timor Leste.

“Ha’u hanoin kompetisaun ne’e importante tebes, atu ita hili joven sira ne’ebé iha potensiál no koñesimentu kona-ba ita nia turizmu iha rai laran,” nia dehan ba jornalista sira iha Timor Plaza, Tersa (17/05).

Lee Mós :
Hafoin Diriji Misa iha Perumnas, Padre Violanto Hakotu Iis

Pe, Angelo dehan, agora daudaun konkursu ne’e sei hahú ho universidade sira iha Timor Leste, maibé ba oin sei halo mós foin sa’e sira iha munisípiu, atu nune’e komunidade no grupu kategoria sira bele partisipa hotu.

Daudaun ne’e ATR-TL halo hela levantamentu dadus ba munisípiu lima, iha peskiza ne’e hodi munisípiu ida-idak ninia fatin turístika, liu-liu Turizmu Relijiozu. Munisípiu lima ne’e maka hanesan Dili, Manatutu, Ermera, Ainaru no RAEOA.

“Ezemplu Ainaru foka liu ba Ramelau, Manatutu foka liu ba Nossa Señora Ai- tarak, Ermera foka Iiu ba Nossa Señora Fatubesi, ida ne’e, mak ita nia tarjetu, tan nee sei forma núkleu iha fatin hirak ne’e, hodi halo servisu, hanesan pakote, istória ba fatin ida, ho nune’e, aban bainrua bele sai hanesan pakote ida, tan ne’e agora tenke kapasita ona joven sira ne’e,” nia relata.

Lee Mós :
Avelino Coelho Lori PST Deklara Vota Ba Kandidatu José Ramos Horta

“Agora daudaun forma ona ema na’in-2 kada Munisípiu, Aban bainrua mós na’in-2 ne’e sei ba multiplika tan, hodi ema sai barak iha ne’ebá no komunidade sira, atu nune’e sira hamutuk hodi forma núkleu mais ida ne’ebé mak integradu, hodi ko’alia kona-ba ritus rekursu turizmu relijiozu ne’ebé mak iha,” hatutan.

Xefe USAID’s Tourism For All Project, Peter Semone

Iha fatin hanesan, Xefe USAID’s Tourism For All Project, Peter Semone, hatete, objetivu hosi atividade ida ne’e atu nomeia joven na’in rua hodi halo promosaun ba turizmu iha Timor Leste.

Lee Mós :
PR Hato’o Mensajen Importante ba Juis sira

“Ami hakarak hetan joven balu, ne’ebé mak halo promosaun ba Turizmu ninian iha rai laran,” nia dehan.

Tuir nia, kompetisaun ida ne’e importante tebes atu joven sira bele iha koñesimentu di’ak kona-ba setór turizmu iha rai laran no oinsá sira bele halo promosaun turizmu rai laran ba rai li’ur hodi atrai vizitante sira. (Lee Notisia Seluk Iha Jornal Timor Post/ Asesu You Tube Timor Post)

 822 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ATRTL-TBEH Realiza Konkursu Públiku Hili Ambass…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No