(Reportajen Estaziadu Sergio de João Batista Lelan/Editor Mateus da Cruz)
DILI(Timor Post)—Plan International Timor-Leste (PITL) liu husi Inisiativa Spotlight parseria ho UE-ONU, UN Women realiza Kolókiu Enserramentu ba Projetu Inisiativa Spotlight ho títulu “Dezenvolve Koñesimentu kona ba aprosimasaun ho komprimisu atu prevene violensia hasoru Feto no Labarik Feto ho akordu estratejia nasional ida kompreensivu ba mudansa komportamentu ne’ebé servisu hotu ho modelu ekolójiku”.
Diretora Interina Plan Internasionál Timor-Leste (PITL) Fatima Soares, hatete, objetivu atividade ne’e atu haforsa Instituisaun legal, promove normal sosiais pozitivu, hasa’e asesu ba servisu apoiu ba sobrevivente violénsia no muda dadus ba mellora polítika no haforsa parseria sira ba eliminasaun violénsia hasoru feto no labarik feto iha TL.
“Objetivu jerál husi projetu ida ne’e mak atu kontribui ba dezenvolve estratéjia nasionál bazeia ba evidénsia atu promove norma igualdade jéneru, atitude no komportamentu,” nia dehan ba jornalista sira iha Salaun Hotel Timor, Segunda (16/05).
Nia hatete, objetivu espesífiku mak atu dezenvolve timor-leste ida ne’ebé kontestualizadu utiliza produtu innovative kona-ba abordazen ba prevensaun violénsia kontra feto no labarik feto.
Kolaborasaun entre governu no parseiru nia tersetu maka oinsá atinji meta katak feto ho labarik feto bele goza sira nia direitu ba moris livre husi violénsia, iha timor-leste ne’ebe inkluzivu no evitavel jéneru.
Entretantu, Embaixadór Uniaun Europeia iha Timor Leste, Andrew Jacobs, hatete, uniaun europeia selebra kontribuisaun plan nian iha projetu inisiativa spotlight hodi luta ba igualdade jéneru.
“Violénsia nunka sai parte ida husi komportamentu umanu ou kondisionada, ita bele antesipa no prevene violénsia, data, koñesimentu, Informasaun no evidénsia bazeada seluk tan aborda kontribuisaun hirak ne’e hodi prevene violénsia” katak nia.
ONU halo sira nia papél hodi lidera inisiativa spotlight EU-ONU ne’ebé implementa husi ajensia ONU (UN women, UNFPA, UNDP,UNICEF ho ILO) liu-husi koordenasaun Koordenadór rezidente ne’ebé implementa husi parseiru autór xave husi governu, CSO, NGO no I-NGOs iha Bobonaru, Dili, Ermera, Vikeke no fornese asisténsia durante hala’o inisiativa ida ne’e.
UN women timor-leste nia kontribuisaun atu komplementa governu no esforsu husi global ba violénsia kontra feto no labarik feto, no ONU-UN hamriik firme atu empudera parseriu sira no esforsu hodi suporta hodi elimina violénsia kontra feto no labarik feto.(Lee notisia seluk iha Timor Post/Asesu You Tube Timor post)
1,024 total views, 3 views today
Bele hare Video Seluk :