(Reportajen Jaiem Pires/Estaziadu Mariano Abi/Asistente Editor Hermenegildo da Costa Tilman)
Dili (Timor Post)–Komandante Jerál Polísia Nasionál Timor-Leste (PNTL), Komisáriu Faustino da Costa, hatete, sei prepara seguransa másimu iha aniversáriu restaurasaun independénsia ba dala rua nulu (20) ne’ebé sei hala’o iha Tasitolu.
“Ha’u hanoin ita sei koloka seguransa ne’ebé másimu para eventu ne’e la’o ho di’ak, atu la mosu peturbasaun iha eventu ne’e”, nia dehan ba jornalista sira hafoin remata enkontru iha Timor Plaza, Suai Room, Kinta (12/05).
Nia hatete, kona ba destakadu seguransa F-FDTL no PNTL iha kedan loron 11 fulan ne’e, iha parte PNTL ba halo prevensaun no F-FDTL nian mak planu seguransa, atu asegura serimónia boot iha loron rua 19-20 Maiu ne’e.
“Agora parte tasi nian maka ita hatene katak, ita nia komponente Naval, maski nia iha rekursu ba ema, maibé prestasaun ba transporte ne’e mak PNTL ita fó hela disponibilidade atu ró polisia marítimu ne’e, bele ita junta Forsa liu-liu iha serimónia parte Tasi nian. Klaru ita garantia ba ida ne’e, ne’ebé saida mak mosu iha eventu ne’e, ita sei la tolera,” nia dehan.
Nia esplika, enkontru ida ohin ne’e, ita halo ba komandu sira ne’ebé mak ita sei envolve iha atividade rua ne’e, hanesan ita boot sira hatene, loron 19 no 20 fulan ne’e, ne’ebé komandu operasaun ne’ebé durante tempu barak ona, halo koordenasaun ho Komisaun Organizadora Nasionál, no ita kontinua atualizasaun kona ba ida ne’e mak ita prepara ona, ohin aprezenta ba komandante liu-liu ba iha loron 19 ninian.
“Ne’ebé mak kuaze envolve tiha ona membru sira ho másimu tebes, hahú husi chegadas ou entidade UEP, UPF, to’o UPM, depois serimónia ne’e la’o to’o iha loron 20 de Maiu ninian”, dehan tan.
Objetivu ida ohin ne’e, atu aprezenta ba komandu sira para bele akompaña no kria ona ninia tarefa kolokasaun, tuir saida maka órgaun edukativa no komandu operativu hasai, nia dehan.
No aproveita mós oportunidade ida ne’e, ohin ita mós konvida Vise Ministru, atu bele akompaña kona ba PNTL ninia planu oinsá atu halo seguransa ba iha eventu rua ne’e, tantu iha investidura ninian ou mós restaurasaun independénsia nian.
“Ba dezafiu maka ita hasoru, ida nafatin seidauk iha lista fiksu ou final, kona ba entidade ne’ebé mak atu mai, entaun ami nafatin loke hela ami nia orden de operasaun ne’e, para ita ajusta automátiku para bainhira kuandu iha adisional ba iha entidade konvidadu sira ne’ebé mak atu mai,” nia dehan.
Kestaun ida ne’e mós implika ba iha apoiu administrasaun ninian, sei ita hare katak, kuandu númeru ne’ebé mak sa’e, tanba ita sei iha PNTL no F-FDTL sei envolve mós iha parada ne’e, liu-liu iha dia 20. Alende ida ne’e mós halo seguransa. (Lee Notísia Seluk Iha Jornál Timor Post/ Asesu You Tube Timor Post)
532 total views, 3 views today
Bele hare Video Seluk :
Subscribe to Timorpost
