ADVERTISEMENT

Orsamentu Retifikativu Pasa Iha Finál Global PN

Mateus da Cruz - Dili
  • Share
Imajen Midia PN

(Reportajen Jaime Pires/Editor Mateus da Cruz)

DILI  (Timor Post)- Hafoin durante loron rua halo diskusaun Parlamentu Nasionál, Ohin, aprova ona proposta orsamentu retifikativu ho montante Biliaun 1 ida resin iha final global ho votu  afavor 36 kontra 22 no abstensaun 5.

ADVERTISEMENT
SCROLL FILA BA NOTISIA


Ho proposta OJE retifikativu siginifika reseita konsolidada setór públiku Administrativu sa’e ba 3,234.522.481 USD, enkuantu despeza konsolidada setór públiku administrativu sa’e ba 3,233.908.681 USD.

Reseitas husi órgaun servisu administrasaun sentrál sa’e ba 2,987.140.197 USD enkuantu despeza orgaun servisus administrasaun sentrál sa’e ba 2,987.140.197 USD, ne’ebé fahe tuir kategoria klasifikasaun ekonómiku hanesan tuir mai ne’e.

Dahuluk, transférensia públika ho montante 1,837.634.189USD; daruak, bens no servisus ho montante 466,877.382 USD; datoluk, kapitál dezenvolvimentu 390,177.399 USD; dahaat, saláriu no vensimentu 250,537.130 USD; no kapitál menór 41,914.097 USD.

Lee Mós :
GAM Labele Sai Instrumentu Ba Polítiku

Alokasaun Orsamentu Tuir Mdida Komplementar hamutuk 13

Proposta Orsamentu Jeral Estadu retifikativu ho montante biliaun 1,129.857.250 USD ne’e sei uza hodi finansia medida komplementár hamutuk 13:

Kriasaun fundu kombatente libertasaun nasionál ho orsamentu alokadu billiaun 1 USD. Pagamentu 200 USD ba kada família (ezeptu funsionáriu públiku sira) hamutuk millaun 70 USD.

Uma Kbiit Laek Plus, hamutuk millaun 25 USD. Bolsa Estudu ba Mellór Graduadu Estudante Ensinu Báziku no Sekundáriu, millaun 7,5 USD. Programa Mão de Obra ba Postu Administrativu, millaun 7,2 USD. Revitaliza kafé no subsídiu ba kafé Laku-teen, millaun 6,4 USD.

Lee Mós :
Opozisaun Kestiona Títulu Orsamentu Sekretariadu Estadu

Pagamentu ba diferensa remunerasaun Polisia Nasional Timor-Leste (PNTL) nian ho rejime salariál foun, ba membru PNTL millaun 4,096 hamutuk millaun 5,1 USD.

Harii Sede Arte Marsiál no Rituál, millaun 2,5 USD. Programa Eskola iha Uma, millaun 2,1USD. Internet gratuita iha eskola sira, millaun 1,1 USD.

Alende kona-ba subsídiu akomodasaun ba Polisia Nasional Timor-Leste (PNTL) no FALINTIL Forsa Defeza Timor-Leste (F-FDTL), millaun 1,9 USD.

Estabelesimentu Sekretaria ba Asuntu Traballadór iha rai-liur no Komunidade Timoroan iha Diáspora, 500 mill USD; Empregu ba mellór alunu universitáriu sira, 437,5 mill USD.

Entretantu Primeiru Ministru (PM), Taur Matan Ruak, hato’o parabéns espesial ba Deputadu no deputada bankada apoiu governu hanesan PLP, Khunto no Fretilin ne’ebé mak aprova ona Orsamentu Retifikativu (OR) ho montante Biliaun 1.129.857.250, USD.

Lee Mós :
MOP Orienta IGE Normaliza Estragu

“Ha’u parabeniza ba Parlamentu Nasionál hahú husi Prezidente to’o Deputadu no Deputadu sira hotu maibé espesial ba bankada ne’ebé mak apoiu governu ne’ebé bele aprova orsamentu ida ne’e, nufim orsamentu ida ne’e bele benefisia ita nia povu no sidadaun sira,” deklara Taur, iha Parlamentu Nasionál.

Nia dehan, foti orsamentu retifikativu ho montante Billiaun $1 resin ne’e sei garante sustantibilidade di’ak liután ba fundu petrolíferu duké uluk.(Lee Notísia Seluk Iha Jornál Timor Post/Asesu You Tube Timor Post)

 831 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Orsamentu Retifikativu Pasa Iha Finál Global PN” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No