(Komunikadu Imprensa/Jaime Pires/Editor Mateus da Cruz)
DILI (Timor Post)- Ministériu Finansas (MF) liuhusi Fundu Covid-19, halo ona pagamentu subisídiu Liña Frente ba Jornalista sira.
“Sekretariadu Tékniku Fundu Covid-19, Ministériu Finansas realiza ona pagamentu lina-frente Jornalista 2021 hamutuk 409 benefisiáriu ho montante $285,995 mil ba períodu fulan-ualu hahú husi fulan-abril to’o fulan-novembru 2021 (durante Estadu Emerjénsia),” dehan komunikadu ne’ebé mak Timor Post asesu liuhusi Pájina ofisiál Ministériu Finansas, Kuarta,(11/05).
Sita iha Komunikadu ne’e, pedidu pagamentu ne’ebé submete husi MAPKOMS liu ona prosesu verifikasaun no dadus hirak ne’ebé submete mai Sekretariadu Tékniku Fundu Covid-19 prienxe ona rekezitus legál tuir Dekretu Lei númeru 1/2022, 5 Janeiru kona-ba subsídiu ba profisionais ne’ebé hala’o atividades jornalístika, ne’ebé solisita husi Governu, hodi fornese notisias kona-ba vírus SARS-Cov2 durante Estadu Emerjénsia tinan 2021.
Iha tinan 2020, Sekretariadu Tekniku Fundu Covid-19 mós realiza ona pagamentu suplementu remuneratóriu liña-frente Jornalista sira ba 216 benefisiáriu ho montante $97,425 mil ba períodu fulan tolu.
Lista Jornalista liña-frente iha tinan 2021 sa’e ba 409 benefisiáriu, kompara ho tinan 2020 iha de’it 216 benefisiáriu – signifika iha aumente kuaze besik 90%.(Lee Notísia Seluk Iha Jornál Timor Post/Asesu You Tube Timor Post)
524 total views, 3 views today
