ADVERTISEMENT

BNCTL Iha Misaun Boot Lima

Mateus da Cruz - Dili · Nasionál
  • Share
Prezidente Konsellu Administrasaun, Banku Nasionál Sentrál Timor Leste (BNCTL sigla Portugés), António Vítor. Imajen TP/ Mariano Abi

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post)–Banku Nasionál Sentrál Timor-Leste (BNCTL sigla Portugés), iha misaun boot lima (5) hodi fornese prestasaun servisu bankária e finanseira hodi favorese dezenvolvimentu atividade ekonómika iha territóriu Timor-Leste hodi redús pobreza.

ADVERTISEMENT
SCROLL FILA BA NOTISIA

“Misaun lima ne’e mak hanesan, misaun dahuluk, tenke sai banku ba Timoroan hotu iha fatin hotu, daruak nian, tenke fornese prestasaun servisu ka asesu ho kustu razoavel ka kustu ne’ebé ema hotu-hotu bele selu, Misaun datoluk, tenke serbí ho exelénsia amigavel liu, lais liu, baratu liu, da-haat, tenke kontribui ba dezenvolvimentu ekonomia nasionál, da-Lima nian ne’ebé mak todan liu, mak tenke kontribui ba hamenus mukit-kiak,” dehan Prezidente BNCTL, António Vítor hafoin remata semináriu nasionál ho tema “Papel Setór Bankária no Setór Privadu Hodi Promove Dezenvolvimentu Ekonomia Nasionál” iha Salaun Rudal Oka, Segunda, (09/05).

Lee Mós:
Monta Sekretáriu Estadu ba Timoroan iha Estranjeiru Ne’e Estratéjia Atu Hetan Konfiansa

Nia hatete, misaun lima ne’e, la’ós fasil, maibé tenke halo tanba bazeia ba mandatu ne’ebe mai husi Estadu Timor-Leste, ne’ebé dekreta ho Lei Númeru 3/2011, ikus mai altera ho Dekretu Lei Númeru 16/2019.

Korresponde ba Vizaun no Misaun BNCTL nian mak, polítika no estratéjia ne’ebé BNCTL iha nia Business Plan ou Planu Estratéjiku Kinkenal 2018-2022 hanesan ne’e, Polítika Jerál hodi sai mata-dalan prinsipál mak tenke transforma-an, sai Banku Professional, profitavel no estavel, iha sumáriu simples mas ambisiozu katak, tenke konsolida no progresivu.

Lee Mós:
Governu Tenke Kria Politika Apoiu ba Ema Ho Defisiénsia

Estratéjia jerál mak kontinua halo espansaun ou kresimentu ba kréditu, atrai kliente barak liu tan ho prestasaun kanais serbisu dijitalizadu, modernizadu, fortalesimentu ou kapasitasaun rekursu umanu kontinuidade, diversifika produtu ka servisu no espanda área kobertura.

Nia haktuir tan, estratéjia seluk ne’ebé xave mós mak transformasaun mentalidade, kapasidade, no komportamentu ka atitude husi parte internal iha nivel hotu inklui ho pasiénsia bele lori kliente no liu-liu ema-hotu ne’ebé iha kanuruk-tohar iha BNCTL, atu entende banku ne’e diak liu.

Lee Mós:
Seminarista Na’in-40 Hala’o Semana Pastoral iha Parókia Maubara

Ho intervensaun hirak nee hotu atu bele pozisiona BNCTL nu’udar AW banku Komersiál prinsipál ne’ebe sei mobiliza fundus no konsede kréditu barak liu. hakotu. (Lee Notísia Seluk Iha Jornál Timor Post/ Asesu You Tube Timor Post)

 89 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “BNCTL Iha Misaun Boot Lima” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: