ADVERTISEMENT

Don Virgílio Husu Sidadaun Respeita Bandeira RDTL

Mateus da Cruz - Dili · Nasionál
  • Share
Arsebispu Dioseze Dili, Don Virgílio do Carmo da Silva, SDB

(Reportajen estaziadu Cardenio Alves/Asistente Editor Hermenegildo da Costa Tilman)

Dili (Timor post)—Bandeira Repúblika Demokrátika Timor Leste (RDTL), nu’udar símbolu nasaun ne’ebé sidadaun hotu tenke respeita, tanba hosi bandeira ne’e ema barak sakrifika ona sira nia vida hodi hetan ukun aan.

ADVERTISEMENT
SCROLL FILA BA NOTISIA

Loron restaurasaun independénsia lori ema hotu atu hanoin fila fali patriotizmu ne’ebé Heroi sira hatudu ona hodi defende bandeira RDTL, nune’e o loron ida ne’e sidadaun sira iha devér atu proteje bandeira no tau iha bandeira iha fatin ne’ebé los no dignu.

Lee Mós:
PM Taur Lamenta Timoroan Hatun Bandeira RDTL iha Rai Li'ur

Arsebispu Dioseze Dili, Don Virgílio do Carmo da Silva, SDB, preokupa ho sidadaun liu-liu negosiante sira ne’ebé halo negósiu bandeira RDTL iha dalan ninin balun ladún respeita ba símbolu nasaun nian.

“Ita haree tempu hanesan ne’e negosiante sira liu husi dalan oin-oin fa’an mak bandeira Timor Leste, no ita hatene katak sira mós buka moris hodi sustenta moris, maibé bandeira ne’e loloos tau tuir nia fatin, tanba bandeira ne’e ema barak mak sakrifika ona nia an hodi sosa”. Bispu dehan iha Salaun OKA, Hudi-laran.

Nia hatete, laiha lei ida maka bandu negosiante sira fa’an bandeira, maibé tenke hatene katak bandeira RDTL ne’e nu’udar símbolu nasionalizmu no patriotizmu nasaun nian.

Lee Mós:
Remata Kampaña, Tasi Tolu Nakonu Ho Lixu

“Ha’u husu ba sidadaun hotu, katak bandeira ne’ebe mak fan iha dalan nu’udar bandeira nasionál nasaun RDTL nian, tanba ne’e ba se mak sosa no ba sira ne’e mak fan tenke iha responsabilidade, tanba liu husi bandeira ne’e ema barak mak mate”, nia husu.

Nune’e, Don Virgílio husu ba governu tenke haree ba bandeira Timor Leste (TL), ne’ebé fa’an iha dalan-dalan, tanba husi bandeira ne’e povu barak mak sakrifika ona sira nia isin no ran hodi sosa bandeira ne’e.

Lee Mós:
Moras IRA Rejista Aas iha Klínika PNTL

“Husu ba na’i ulun sira kria fatin ne’e di’ak no preparadu ba ita nia negosiante sira, hodi bele fan bandeira tuir lei haruka tanba bandeira ne’e símbolu nasaun nian, tanba ne’e presiza kria fatin ne’ebé kondusivel hodi fan”, hakotu (Lee Notísia Seluk iha jornál Timor Post/Asesu You Tube Timor Post)

 449 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Don Virgílio Husu Sidadaun Respeita Bandeira RDTL” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: