ADVERTISEMENT

PM Taur Motiva Traballadór 87 ba Korea

Mateus da Cruz - Dili
  • Share
Primeiru Ministru Taur matan Ruak, Embaixadór Korea Iha Timor Leste, Kim Jeong Ho, Sekretáriu Estadu SEFOPE, Alarico do Rosario, foto hamutuk ho traballadór Timor oan sira ne'ebe mak ohin asina kontratu. Imajen TP/Cardenio Alves

(Reportajen Cardenio Alves/ Editor Mateus da Cruz)

DILI (Timor Post)- Antes atu arranka ba servisu iha Korea Sul, Traballadór na’in 87 simu mensajen hosi Primeiru Ministru Taur Matan Ruak ne’ebé fó motivasaun ba traballadór sira ne’e hodi servisu ho di’ak no hatudu susesu iha servisu.

ADVERTISEMENT
SCROLL FILA BA NOTISIA


“Ha’u dezeju boot ba ha’u nia oan sira ne’ebé atu ba servisu iha ema nia nasaun hanesan Korea Sul, tenke susesu iha imi nia servisu no Keta haluha tanba imi husik hela rai ida iha imi nia kotuk, mak TL”, dehan Taur hafoin asiste asina akordu entre traballadór ho governu, iha Timor Lodge, Komoro Dili, Sesta, (06/5).

Lee Mós :
CNE-PNTL Hahú Halo Identifikasaun ba Kazu Konfrontu iha Baukau

Nia hatete, traballadór Timor oan sira hotu ne’ebé ba servisu iha rai li’ur hakarak atu Ita nia nasaun la’o ba oin  presiza hahú hadi’a uluk Ita Nia aan, bainhira la muda Ita nia aan difisil ba Ita atu muda Timor ba oin.

Taur husu ba traballadór sira labele ta’uk atu servisu iha ema nian rai tanba família no governu sei la husik nia oan sira ba servisu mesak. Governu sei kontinua nafatin tau matan ba timor oan sira iha rai li’ur nune’e bele kontribui ba dezenvolvimentu nasaun nia futuru.

“Imi sei la la’o mesak, família no governu TL sei tau matan nafatin, tanba nee labele ta’uk no triste atu servisu iha ema nia nasaun liu-liu Korea Súl no nasaun sira seluk,” dehan.

Lee Mós :
SEKOMS-KI Diskute Membru Foun

Iha fatin hanesan, Diretór DNEE, Filomeno Soares, hatete, Korea hanesan fatin ne’ebe di’ak tanba ne’e husu ba traballadór sira atu servisu ho di’ak hodi hadi’a moris ba futuru.

“Ha’u husu ba imi tenke servisu ho didi’ak iha ema nia rai, no prepara imi nia aan atu servisu tuir lei no regra, tau dixiplina no esforsu atu kumpre nafatin regra sira ne’ebé mak iha ema nia rai, hamorin nafatin Timor nia naran hodi hatudu iha futuru ne’ebé di’ak”, nia dehan.

Nia husu kandidatu sira tenke kumpre nafatin ema nia lei no kultura no nafatin hatudu respeitu atu ema labele lakon konfiansa.

Lee Mós :
Xanana Apoiu Mikrolete ida Ba Uma Mahon Sentru Miguel Magone

Alende ne’e Embaixadór Korea iha Timor Leste, Kim Jeong Ho, hato’o parabéns ba traballadór sira tanba konsege realiza duni mehi hodi ba servisu iha Korea Súl.

“Ha’u parabéns hato’o sira ohin loron realiza imi nia mehi ba servisu iha Korea Súl no agradese ba família sira hotu ne’ebé esforsu no suporta ba imi ohin loron imi nia mehi sai realidade, Husu imi bainhira ba servisu labele sente moe no ta’uk, atu nune’e bainhira imi fila nafatin kontribui ba nasaun TL”, nia hato’o.

 1,161 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PM Taur Motiva Traballadór 87 ba Korea” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No