(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) –Universidade Nasionál Timor Leste (UNTL), liu husi Fakuldade Medisina Siénsia Saúde, hamutuk ho Ministériu Saúde, selebra sentenáriu anos ba parteira sira no mós konfederasaun parteira mundiál ne’ebé hetan partisipasaun husi estudante parteira na’in-1016.
Iha diskursu Ministra Saude, Odete Maria Freitas Belo, hatete, iha eventuál loron ohin, ha’u la bolu sira parteira, maibé imi mak jerasaun ba parteira nian, tanba husi na’in-1016 ne’ebé mak iha ne’e, garante katak, sei sai hotu Parteira.
“Hakarak atu hato’o de’it kata, ha’u la bolu imi parteira, maibé imi mak jerasaun ba parteira sira nian, tanba husi na’in-1016 ne’ebé mak iha ne’e, ha’u espera katak, imi na’in-1016 sira ne’e sai hotu Parteira,” nia dehan ba jornalista sira iha Sentru Konvensaun Dili (CCD-sigla Portugés), Kinta (05/05).
Nia subliña, iha selebrasaun ne’e mós agradese ba UNTL, ne’ebé mak estabelese fakuldade medisina nian, ho misaun ne’ebé mak atu aprende buat ruma relasiona ho inan sira, ne’ebé mak hakarak atu tau atensaun ba.
“Primeiru ha’u atu ko’alia kona-ba ita nia Universidade Nasionál Timor Lorosa’e ne’ebé mak estabelese ita nia fakuldade medisina nian, inklui fakuldade ne’ebé mak ita agora tuir, ho misaun ne’ebé mak hodi aprende buat ruma, relasiona ho inan sira ou oan sira ne’ebé mak hakarak atu tau atensaun ba,” nia dehan.
Nia reálsa, hanesan ministra saúde, agradese ba maginifiku reitór ho ninia estrutura tomak, ne’ebé mak fó importánsia ba loron ohin, ne’ebé ita iha tan, siénsia ba Parteira sira, iha mós enfermeiru sira.
Iha sorin seluk, Magnifiku Reitór UNTL, João Soares Martins, haktuir, ohin fakuldade medisina siénsia saúde UNTL hamutuk ho Ministériu Saúde, selebra sentenáriu ka 100 anos ba Parteira sira no mós konfederasaun Parteira mundiál.
“UNTL sente orgullu, hanesan Institutu Ensinu Superior mak halo formasaun ba Parteira sira iha Timor Leste, nune’e loron ne’e importante tebe-tebes, ba ita atu bele selebra, no ao mezmu tempu halo mós reflesaun ba saida mak ita atinje ona, no saida mak ita presiza hodi halo ba oin atu bele diak liu tan”
Nia subliña, agora daudaun UNTL produs ona Parteira hamutuk na’in-470, dezde estabelese fakuldade medisina siénsia saúde iha Eskola Superior de Parteira, no agora la’ós forma de’it estudante sira ne’ebé mak graduál husi eskola sekundáriu, maibé husi parte sira mós halo kursu pols laboral, liu-liu ba Parteira sira ne’ebé mak serbisu kleur iha sistema Saúde.
“Daudaun ne’e, ami mós halo kursu pols laboral liu-liu ba ita nia Parteira sira ne’ebé mak serbisu kleur iha sistema Saúde, maibé sira ninia formasaun ne’e sei Parteira ou Bidan Diploma 1, entaun UNTL ho MS halo hela kooperasaun neste momentu la’o hela, espera sei kontinua liu tan,” nia hakotu. (Lee Notísia Seluk Iha Jornál Timor Post/ Asesu You Tube Timor Post)
1,031 total views, 6 views today
Bele hare Video Seluk :
Subscribe to Timorpost
